Хаартыска: Андрей Сорокин, СИА.
Балаҕан ыйын 18 күнүттэн алтынньы 2 күнүгэр диэри «Ый-Күн өлүүтүн көрүдүөрэ» буолуоҕа. Балаҕан ыйын 18 күнүгэр Ый өлүүтэ буолбута, аны алтынньы 2 күнүгэр Күн өлүөҕэ. Маннык кэми «көрүдүөр» диэн ааттыыллар. Дьэ, хайдах буолабыт?
Ый уонна Күн — биһиэхэ саамай чугас куйаар эттиктэрэ. Сиргэ, хамсыыр-харамайга күүстээх дьайыылаахтар. Онон дьоҥҥо, киһи олоҕор маннык «көрүдүөр» эмиэ дьайыылаах. Астрологтар этэллэринэн, бу кэмҥэ урукку быһаарыллыбатах кыһалҕалар, ыарыылар көбөн тахсыахтарын, истириэс, куттал, санаа түһүүтүн курдук иэйиилэр күүһүрүөхтэрин сөп.
Ол иһин бу кэмҥэ ордук сэрэхтээх, болҕомтолоох буолуохха наада. Кыыһыра, ыксыы сылдьан, ханнык да суолталаах быһаарыныылары ылынымаҥ. Бэйэҕитин иһиллэниҥ, доруобуйаҕытын, аскытын көрүнүҥ, хамсаныҥ. Үпкэ-харчыга уонна массыынаны ыытан иһэн, олус болҕомтолоох буолуҥ.
Туох эрэ сатаммат буоллаҕына, ыксаамаҥ, утарылаһымаҥ, бу түгэҥҥэ сөбүлэһэн, «ыытан» кэбиһиҥ. Бу кэмҥэ улахан былааннары торумнуур, саҥа сыһыаны саҕалыыр, кирэдьиити ылар, улахан тэрээһини ыытар табыгаһа суох.
Өскөтүн бу кэмҥэ дьону кытта сыһыаҥҥа урукку кыһалҕа күөрэйэн таҕыстаҕына, бу уруогу чиэстээхтик туоруурга кыһаллыҥ. Дьылҕа тургутар уруогун аастаххытына, иккиһин күөрэйэн тахсыа суоҕа. Онон бу «карма» уруоктарын ааһар кэм.
Үгүс дьон туох да төрүөтэ суох кыыһыран-тымтан туруон сөп, ону өйдөөн, чугас дьоҥҥутун кытта тулуурдаах, эйэҕэс буолуҥ. Этиһиигэ элбэх эниэргийэ бараныаҕа. Элбэхтик сынньаныҥ, айылҕаҕа күүлэйдээҥ, уоскутар муусуката истиҥ, аралдьыйыҥ, массааска сылдьыҥ, йогалааҥ, медитациялааҥ, арчыланыҥ, ыраастаныҥ.
Майа сэлиэнньэтин муниципалитета "Майа Сайына» — Лето Майи: как жители села своими руками изменили территорию…
Кэлэр сылга үбүлүөйдээх Олоҥхо ыһыаҕа Ленскэй оройуонугар ыытыллыаҕа. Сүрүн тэрээһиннэр от ыйын 3–4 күннэригэр буолуохтара,…
Арассыыйа Бэрэсидьиэнэ Владимир Путин куораттары сайыннарыыга уонна тупсарыыга аналлаах мунньах түмүгүнэн дьаһаллары бигэргэттэ. Бу дьаһаллар…
РФ Дьоруойа Александр Находкин Дьокуускай куорат устудьуоннарын уонна оскуола үөрэнээччилэрин кытта патриотическай көрсүһүүлэрин саҕалаата. Бастакы…
Алтынньы 24 күнүн киэһэтиттэн саҕалаан сэтинньи 13 күнүгэр диэри куйаарга Ретрограднай Меркурий кэмэ. Астрологтар сэрэтэллэр:…
Алтынньы 31 күнүгэр Дьокуускайга анал байыаннай дьайыыга сылдьан өлбүт байыас Андрей Георгиевич Исаков («Кречет» позывнойдаах)…