Үрдүк үөрэх кыһатын профессорыттан 2 мөлүйүөн солк. албыннаан ыллылар

Дьокуускайга үрдүк үөрэх кыһатын профессорыттан түөкүттэр икки мөлүйүөн солк. албыннаан ыллылар. 

Ол курдук, түөкүттэр ректор аатыттан телеграм ханаалга саҥа аккаунт оҥорбуттар уонна үөрэх кыһатын ректорын аатыттан профессорга суруйбуттар. Сотору кэминэн профессорга эрийбиттэр уонна кини счетуттан атын дойдуларга харчыта ыытыллан эрэрин туһунан иһитиннэрбиттэр. Профессор ыксаабыт, түөкүтэр ыйыыларынан-кэрдиилэринэн бааҥҥа баар счетун саппыт. Ууруу харчытын барытын устубут уонна банкомат нөҥүө харчытын барытын түөкүттэр счеттарыгар ыыппыт. Уһун сынньалаҥнар кэннилэриттэн кини ректорга сибээскэ тахсан түөкүттэр албыннаабыттарын билбит. Ол түмүгэр икки мөлүйүөн солк. илии соттон хаалбыт.

СӨ ИДьМ өрүү сэрэтэр, билигин дистанционнай түөкүттэр тэрилтэ салайааччытын аатыттан саҥа аккаунт оҥостон албынныыр буолбуттар. Онон түөкүттэртэн сэрэхтээх буолуҥ.