Салгыы
«Үс сэргэ» ырыа куттаах ыччаты түмтэ

«Үс сэргэ» ырыа куттаах ыччаты түмтэ

02.04.2023, 17:00
Диана Саввинова хаартыскалара
Бөлөххө киир:

Кулун тутар бүтүүтэ Мэҥэ Хаҥалас улууһун Табаҕатааҕы оҕо ускуустубатын оскуолатын  уонна улуустааҕы култуура, духуобунай сайдыы управлениетын көҕүлээһиннэринэн оҕолорго аналлаах тыыннаах доҕуһуол «Үс сэргэ» өрөспүүбүлүкэтээҕи аһаҕас бэстибээл быйыл VIII-с төгүлүн ырыа куттаах  ыччаты Сахабыт сирин араас улуустарыттан түмтэ.

Ол курдук, Орто-Халыма, Сунтаар, Горнай, Амма, Чурапчы, Хаҥалас, Хатас, Усуйаана, Мэҥэ Хаҥалас, Дьокуускай куорат айымньылаахтык үлэлиир 14 бөлөҕө, барыта 61 оҕо, 14 салайааччы кыттан, музыкальнай үнүстүрүмүөннэргэ оонньуур, ыллыыр дьоҕурдарын үрдүк таһымнаахтык көрдөрдүлэр. Хас биирдии талаан,  сыралаах үлэ сыаналаныахтаах диэнинэн салайтаран быйылгы бэстибээлгэ дьүүллүүр сүбэ үлэлээтэ.

Дьүүллүүр сүбэ састаабыгар бэрэссэдээтэлинэн СӨ култууратын туйгуна, ырыаhыт, ырыа суруйааччы Ульяна Ли-Фу-Күннэй, СӨ култууратын туйгуна, Мэҥэ Хаҥалас улууhун «Кэрэли» эбии үөрэхтээhин киинин уhуйааччыта, СӨ култууратын туйгуна Анатолий Босиков, СӨ Судаарыстыбаннай эстрада тыйаатырын звукорежиссера, аранжировщик Эллэй Васильев, Хотугулуу-Илиҥҥи федеральнай университет математика уонна информатика институтун I-кы кууруһун устудьуона Ай-Куо, вокальнай-инструментальнай бөлөх солистката, бас-гитаристката, «Берег дружбы» өрөспүүбүлүкэтээҕи авторскай ырыа күрэхтэһиитин Гран-при хаhаайката Алина Захарова киирэн сыаналаатылар.

Дьүүллүүр сүбэ кыттааччылар оонньуур таһымнарын, хайысхаларын, ырыа ис хоһоонун арыйыытын, толоруу маастарыстыбатын, тас көстүүнү, сыанаҕа туттуу-хаптыы диэн ирдэбиллэринэн түмүк таhаарда:

Гран-При – «Тумат» бөлөх, Тумат, Усуйаана улууһа;

1 истиэпэннээх лауреат – «Эрэл» бөлөх, Орто-Халыма улууһа;

2 истиэпэннээх лауреат – «Дайан» бөлөх, Күөрдэм, Хаҥалас улууһа;

3 истиэпэннээх лауреат – «Аа-дьуо» бөлөх, Маар Күөл, Сунтаар улууһа;

1 истиэпэннээх дипломант – «Ыллыктар» бөлөх, Соморсун, Амма улууһа;

2 истиэпэннээх дипломант – «Айар суол» бөлөх, Хатас бөһүөлэгэ;

3 истиэпэннээх дипломант – «Кэнчээри» бөлөх, Табаҕа, Мэҥэ Хаҥалас улууһа;

«Бастыҥ барабанщик» анал аат – Любомир Северьянов, «Тумат» бөлөх;

«Бастыҥ бас-гитарист» анал аат – Айна Потапова, «Ай Куо» бөлөх;

«Бастыҥ соло-гитарист» анал аат – Анастасия Неустроева, «Ай Куо» бөлөх, Александр Томскай, «Тумат» бөлөх;

«Бастыҥ вокал» анал аат – Диана Пинигина, «Кыраһа» бөлөх;

«Бастыҥ клавишник» анал аат – Елизавета Рожина, «Эрэл» бөлөх;

«Бастыҥ салайааччы» анал аат – Владимир Владимирович Киприянов, «Эрэл» бөлөх;

«Саамай эдэр кыттааччы» анал аат – «Добун» бөлөх;

«Көрөөччү биһирэбилэ» анал аат – «Чысхаан» бөлөх.

VIII төгүлүн ыытыллыбыт «Үс сэргэ» өрөспүүбүлүкэтээҕи оҕолорго аналлаах тыыннаах дорҕоон бэстибээл үрдүк таhымнаахтык ааhарыгар күүс-көмө буолбут Мэҥэ Хаҥалас улууhун култуураҕа уонна духуобунай сайдыыга салалтатыгар (салайааччы Исакова А.Р.), Мэҥэ Хаҥалас улууhун «Кэрэли» оҕону эбии үөрэхтээhин киинигэр (дириэктэр М.Ю. Билюкина), Тараҕай нэhилиэгин дьаhалтатыгар (баhылык Ю.А. Порядин) уонна нэhилиэк тэрилтэлэригэр, Капиталина уонна Иван Бурнашевтар ааттарынан олохтоох сынньалаҥ киинигэр (дириэктэр Е.Г. Бурнашева), Р.А. Бурнашов аатынан Табаҕатааҕы орто оскуолаҕа (дириэктэр Н.В. Бурнашева), «Кэскил» оҕо уhуйааныгар (сэбиэдиссэй А.Ю. Филиппова), Табаҕатааҕы «Сахатранснефтегаз» тэрилтэтигэр (маастар И.М.Марков), Олохтоох модельнай бибилэтиэкэҕэ (бибилэтиэкэр Т.Ю. Михайлова) уонна Табаҕатааҕы ветеринарияҕа (сэбиэдиссэй П.Е. Слепцов) Табаҕатааҕы оҕо ускуустубатын оскуолатын кэллэктиибин аатыттан дириҥ махталларын биллэрэллэр уонна үлэҕитигэр үрдүк ситиhиини баҕараллар.

Бу курдук бииргэ үлэлэhии саҥа саҕахтары арыйан, муусука ускуустубатын киэҥ аартыгар саҥа хардыы оҥорор кэнчээри ыччакка тирэх буолбут көмөлөрө кэнэҕэскитин үтүө өйдөбүл буолуо диэн Табаҕатааҕы оҕо ускуустубатын оскуолатын кэлэктиибэ санаатын тириэрдэр.

Маннык үтүө дьыала, инникитин даҕаны муусука тыыннаах доҕуһуолун эйгэтигэр кэнчээри ыччакка интэриэһи үөскэтэ, тыыннаах муусуканы тарҕатыы үлэтэ бүтүн өрөспүүбүлүкэ үрдүнэн эрэллээхтик салҕана туруо диэн эрэнэбит.

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
12 июня
  • 16°C
  • Ощущается: 15°Влажность: 51% Скорость ветра: 3 м/с

Сообщить об опечатке

Текст, который будет отправлен нашим редакторам: