Видеоттан скриншот
Ил Түмэн Бэрэссэдээтэлин солбуйааччы Юрий Николаев «Актуальное интервью» биэриигэ эрэгийиэннээҕи инвестиционнай бырайыактар кыттааччыларыгар барыска нолуок ыстаапкатын үрдэтии туһунан иһитиннэрдэ. Бу дьаһал өрөспүүбүлүкэ бүддьүөтүн дохуотун улаатыннарарга ананар.
«Саха сиригэр РИП диэн сүрүннээн көмүһү хостооһуну кытта сибээстээх бырайыактар. Көмүс сыаната уонна хостонор кээмэйэ биһиги күүтэр көрдөрүүлэригэр сөп түбэһиэ, оччоҕуна 2027 сылга бүддьүөккэ эбии 5 млрд солк. ылыахпыт диэн эрэнэбит», — диэн бэлиэтээтэ Ил Түмэн вице-спикэрэ.
Кини чуолкайдаабытынан, Ил Түмэн ХХ уочараттаах пленарнай мунньаҕар норуот дьокутааттара көмүскэ аан дойдутааҕы сыана үрдээһинин уонна ити салааҕа үлэлиир тэрилтэлэр дохуоттарын учуоттаан маннык быһаарыыны ылбыттар.
«Барыска нолуок ыстаапкатын 13,5 %-тан 16 %-ҥа диэри үрдэтэр туһунан быһаарыы ылылынна. Сокуон 17 %-ҥа диэри үрдэтэри көҥүллүүр эрээри, биһиги 1 %-ны саппааска хааллардыбыт», — диэн эбэн эттэ Юрий Николаев.
Маны таһынан, парламентарий эрэгийиэннээҕи инвестиционнай бырайыакка (РИП) кыттыы усулуобуйата кытааппытын бэлиэтээтэ: билигин чэпчэтиилэринэн баҕарбыт эрэ барыта туһанар кыаҕа суох — маныаха улахан инвестициялары киллэрии ирдэнэр.
Саха Өрөспүүбүлүкэтин Ил Дарханын уонна Бырабыыталыстыбатын пресс-сулууспата.
“Ежевика тымырдары бөҕөргөтөр кыахтаах. Састаабыгар С битэмиини уонна антиоксиданнары булуохха сөп”, - диэн диетолог, терапевт-быраас…
Абый улууһун борокуруора Эбээн-Бытантай улууһун Кустуур сэлиэнньэтин олохтооҕор тэриллибит холуобунай дьыаланы суукка ыытта диэн СӨ…
Алтынньы 30 күнүгэр Дьокуускай куоракка Саха Өрөспүүбүлүкэтин судаарыстыбаннай уонна уопсастыбаннай диэйэтэлэ, педагогика билимин хандьыдаата, өрөспүүбүлүкэ…
Хаҥалас оройуонугар социальнай координатордар көҕүлээһиннэринэн оройуон дьаһалтатын өйөбүлүнэн «Сарын-сарынтан өйөһөн» бырайыагы олоххо киллэрии салҕанар. Бу…
Саха сиригэр «Куттала суох Арктика — 2027» ыксаллаах быһыыга-майгыга үөрэтэр эрчиллиилэргэ бэлэмнэниини дьүүллэстилэр. Мунньахха Саха…
Сэтинньи 3-12 күннэригэр дойду үрдүнэн «Улахан этнографическай дьыктаан» XI норуоттар икки ардыларынааҕы аахсыйа ыытыллыаҕа. Саха…