Бу нэдиэлэҕэ Дьокуускай куоракка Саха Өрөспүүбүлүкэтин муниципальнай тэриллиилэрин бэрэстэбиитэллээх уорганнарын дьокутааттарын II сийиэһэ түмүктэннэ уонна Саха Өрөспүүбүлүкэтин муниципальнай тэриллиилэрин сэбиэтин – Муниципалитеттар икки ардыларынааҕы бииргэ үлэлээһин ассоциациятын IX сийиэһэ үлэтин саҕалаата.
Нам улууһун баһылыга Юрий Слепцов санаатын маннык этэр:
— Нэдиэлэ саҥатыгар үс күн ньиргиччи дьокутааттар сийиэстэрэ үрдүк тэрээһиннээхтик ааста диэхпин баҕарабын. Сийиэс чэрчитинэн, Өрөспүүбүлүкэ ситэриилээх былааһын уорганнарын, министиэристибэ, судаарыстыбаннай кэмитиэттэр салалталарын, исписэлиистэрин кытары көрсөн кэпсэтиилэрбит үчүгэй түмүктэрдээх буолла. Нэhилиэктэр эдэр баhылыктара, саҥа талыллыбыт дьокутааттар элбэх саҥаны биллилэр-көрдүлэр.
Дьокутааттар сийиэстэрин пленарнай мунньаҕар Ил Дархан Айсен Николаев уонна Ил Түмэн бэрэссэдээтэлэ Алексей Еремеев олохтоох бэйэни салайыныы уорганнарыгар туһаайан сүрүн соруктарын туруордулар, элбэҕи кэпсээтилэр.
Ил Дархан анал байыаннай дьайыылар кыттыылаахтарыгар уонна кинилэр дьиэ кэргэттэригэр көмө, өйөбүл мэлдьи оҥоһуллуохтааҕын тоһоҕолоон эттэ. Итини таһынан Айсен Николаев билиҥҥи кэмҥэ хас биирдии баhылык, дьокутаат үлэтигэр улахан эппиэтинэһи сүгэрин бэлиэтээтэ.
Оттон Алексей Еремеев билигин үлэлии турар сокуоннар, олохтоох бэйэни салайыныы, муниципальнай реформа туһунан сиһилии кэпсээтэ. Икки сийиэһи тэҥинэн тэрийэн, барыбытын бииргэ түмэн улахан тэрээһини ыыппыттара, хайабытыгар даҕаны, дьокутааттарга уонна баһылыктарга туһалаах буолла. Дьокутааттары даҕаны, баһылыктары даҕаны үлэлииргэ түмэр, сомоҕолуур күүһүнэн буолла.
Бүгүн, ыам ыйын 4 күнүгэр, Арассыыйатааҕы көҥүл тустууга чөмпүйэнээт түмүк күнүгэр, көбүөргэ саха спортсмена Уйгулаан…
Саха сиринээҕи силиэстийэлиир кэмитиэт управлениета бүгүн, ыам ыйын 4 күнүгэр, киин куорат Хабаров аатынан уулуссаҕа…
Бэҕэһээ, сарсыарда 11:38 чааска, күҥҥэ ордук күүстээх магнитнай эстии буолбута бэлиэтэннэ, ол эбэтэр X1.7 кылаастаах…
Сылы түөрт кэрчик кэмҥэ араарабыт. Ыам ыйа сааскы кэмҥэ киирсэр. Бүгүҥҥүттэн, ыам ыйын 4 күнүттэн…
Мэҥэ Хаҥаласка үс сыл устата Тыа хаһаайыстыбатын сылынан биллэриллибитэ. Бу чэрчитинэн ылыныллыбыт былаанынан, мэҥэ хаҥаластар…
Нам улууһугар анал байыаннай дьайыыга сылдьар биир дойдулаахтарыгар көмө оҥоруу тиһигэ тохтообот. Ол курдук, Бөтүҥ…