Дьокуускайга РФ Юстицияҕа министиэристибэтэ тэриллибитэ 220 сылыгар аналлаах мунньах буолла. Мунньах кыттааччылара Донбаһы босхолооһуҥҥа өлбүттэр кэриэстэригэр биир мүнүүтэ саҥата суох турдулар.
1920 сыллаахха Саха сиригэр Юстиция губернскай отдела аһыллыаҕыттан, өрөспүүбүлүкэҕэ юстиция ураты историялаах. Бу кэмтэн юстиция уорганнара кэм ирдэбилинэн сайдан, уларыйан испиттэрэ.
— Саха АССР үбүлүөйдээх сылыгар судаарыстыбаннай институттар сайдыыларыгар юстиция үлэһиттэрин кылааттарын чорботон бэлиэтиэхпин баҕарабын. Саха автономията ылыллыаҕыттан, суут систиэмэтэ, нотариат, адвокатура тэриллэн, сокуону оҥорууга, тутуһууга тиһиктээхтик үлэлээн, юстиция ураты суоллаах-иистээх, — диэн Айсен Николаев бэлиэтээтэ.
Ил Дархан юстиция уорганнарын бэтэрээннэригэр наҕараадалары туттартаата.
2008 сыллаахха Арассыыйа Юстицияҕа министиэристибэтин управлениета Саха сиригэр тэриллиэҕиттэн, юстиция уорганнарын үлэтигэр саҥа тыын биллибитэ. Управление көҕүлээһининэн, 2013 сыллаахха юристар бастакы сийиэстэрэ ыытыллыбыта. Быйыл сийиэс төрдүс төгүлүн ыытыллыаҕа.
Айсен Николаев нэһилиэнньэҕэ босхо юридическай көмөнү оҥорууга өрөспүүбүлүкэ бастыҥ уопуттааҕын ыйда. Ол курдук, Саха сиригэр Оҕолор бырааптарын көмүскүүргэ көмө күнэ ыытыллар. Бу күн чэрчитинэн, 200-тэн тахса тэрээһин, консультация ыытыллар.
Түмүккэ РФ Юстицияҕа министиэристибэтин Саха сиринээҕи управлениетын кэлэктиибигэр Ил Дархан Махтал суругун туттардылар.
Бу күннэргэ Нам улууһугар оҕуруот аһын уонна хортуоппуй үүннэриитинэн дьарыктанар бааһынай хаһаайыстыбалар субсидия (көмө харчы)…
Оҕону иитэ ылар ыалга (эппэкииннэргэ, попечителлэргэ) биирдэ бэриллэр төлөбүр төлөнөр. Кинилэр РФ гражданнара буолуохтаахтар уонна…
Бу күннэргэ дойду тэбэр сүрэҕэр, Москва куоракка, «Хоту сир баайа. Арассыыйа маастардара уонна худуоһунньуктара» быыстапка-дьаарбаҥка…
Муус устар 30 күнүгэр уонна ыам ыйын 1 күнүгэр Күҥҥэ күүстээх эстиилэр буоллулар. Онон ыам…
Ойуур баһаардара дьон олоҕор, кыылга-сүөлгэ уонна үүнээйилэргэ улахан кутталы үөскэтэллэр. Ойуур хаһаайыстыбатын сулууспатыгар эрийэн тиийэр…
Ыам ыйа - Айыыһыт түһэр кэмэ. Саха айылҕаҕа сүгүрүйэн, араас туому толорор. Сайын саҕаланар. Иэйиэхсит…