1,3 мөл. үөрэххэ туттарсааччы сайабылыанньатын ыраахтан олорон ыыппыт

Быйыл “Поступление в вуз онлайн” сервис нөҥүө 1,3 мөл. киһи сайабылыанньатын биэрбит. Ити үөрэххэ туттарсааччы уопсай ахсааныттан 94% тэҥнэһэр. Былырыын 77% киһи порталынан туһаммыта диэн Объясняем.РФ суруйар. Оҕолор сүрүннээн ханнык идэлэри талбыттар?

Судаарыстыбаннай өҥө (Госуслуги) портал нөҥүө 4,3 мөл. сайабылыанньаны ыыппыттар. Ити ааспыт сыллааҕы сыыппараны кытта тэҥнээтэххэ 72%-нан элбэх буолар. Өссө 552 тыһ. сайабылыанньаны үөрэххэ туттарсааччылар тус бэйэлэринэн тиксэрэн баран, тэйиччиттэн олорон кэтээн көрбүттэр, уларытан-тэлэритэн биэрбиттэр.

Тас дойдуга олорор үөрэххэ туттарсааччылар 58 тыһ. сайабылыанньаны ыыппыттар, итинтэн 19 тыһ. – ruID сыһыарыы нөҥүө. Бу сыһыарыынан Арассыыйаҕа кэлиэхтэрин иннинэ үрдүк үөрэххэ киириэхтэрин сөп.

Туттарсааччы 58% күнүскү (очнай) көрүҥү талбыт, 16% — күнүскү-кэтэхтэн, 27% — кэтэхтэн.

Абитуриеннар сүрүннээн үөрэх бу хайысхаларын талбыттар:  

— информатика

— вычислительнай тиэхиньикэ

— менеджмент

— экэниэмикэ

— юриспруденция

— педагогическай үөрэх.

Ордук элбэх сайабылыанньа улахан куораттарга киирбит:

— Москваҕа – 511 тыһ.

— Санкт-Петербурга – 212 тыһ.

— Казаньҥа – 90 тыһ.

— Екатеринбурга – 82 тыһ.

— Новосибирскайга – 64 тыһ.

— Доннааҕы Ростовка – 53 тыһ.

— Нижнэй Новгородка – 50 тыһ.

— Уфаҕа – 45 тыһ.

— Краснодарга – 45 тыһ.

— Томскайга – 40 тыһ.