Сунтаарга быстах байыаннай хомуурга барбыт дойдулаахтарын дьиэ кэргэнигэр көмөлөстүлэр

Сунтаарга быстах байыаннай хомуурга барбыт дойдулаахтарын дьиэ кэргэнигэр көмөлөстүлэр.

ОДьКХ Тойбохойдооҕу учаастагын электриктэрэ Иван Николаев, Дмитрий Никифоров уонна Сергей Сыромятников байыаннай сулууспалаах Николай Попов дьиэ кэргэнин чааһынай дьиэтигэр уот ситимин уларытан биэрдилэр.

«Икки күн үлэлээтилэр. Түргэнник уонна хаачыстыбалаахтык оҥоһулунна. Бары аймахтар ааттарыттан өйөбүллэрин, көмөлөрүн иһин махтанабыт», – диэн хаһаайка Надежда Алексеева этэр.

Санатар буоллахха, Ил Дархан Айсен Николаев сорудаҕынан өрөспүүбүлүкэ бары улуустарыгар тэриллибит Telegram бөлөхтөр байыаннай хомуурга барбыт дьон ийэлэрин, кэргэттэрин, чугас аймахтарын кытта быһа сибээһи туталлар. Бөлөхтөр администратордарынан улуус баһылыктарын солбуйааччылара буолаллар. Кинилэр байыастар дьонноро көмө көрдөөтөхтөрүнэ уталыппакка миэрэлэри ылаллар.

СӨ Ил Дархан уонна СӨ Бырабыыталыстыба пресс-сулууспата

Хаартыскалар «Сунтаар сонуннара» хаһыаттан