Туобуйатааҕы "Сайдам" КСК уус-уран салайааччыта.
Үөһээ Бүлүү улууһун Туобуйа нэһилиэгэр Аан дойдутааҕы аҕам саастаах дьон күннэригэр аналлаах «Былыргы быыһы сэгэтэн» диэн ытык-мааны кырдьаҕастарбытыгар сынньалаҥ киэһэтин тэрийэн ыыттыбыт.
Бу күн күндү дьоммутугар итии чэйдээх, минньигэс астаах остуол тэрийэн, ытык-мааны кырдьаҕастарбыт үөрэ-кэтэ кэпсэтэн, сэһэргэһэн, көрсүһэн үөрдүлэр-көттүлэр. Туобуйа нэһилиэгин былыргы олоҕун быыһын сэгэтэн, нэһилиэк олоҕун урут уһуллубут видеодарын көрөн, ааспыты ахтан-санаан, билэр дьоммутун көрөн-истэн олус сэргэхсийдибит.
Бу тэрээһиҥҥэ байаанынан Борис Остобунаев былыргы үҥкүүлэри байааҥҥа оонньоон, уһулан ыыппытынан уонна тэтимнээх үҥкүүлэри дуоһуйа үҥкүүлээтибит. Ол кэннэ 60-тан үөһэ саастаах дьоннорбутугар аналлаах күрэҕи ыыттыбыт. Дартс күрэҕэр эр дьоҥҥо 1 миэстэни Егор Калинин ылан үөрүү өрөгөйүн биллэ. Иккис бириистээх миэстэни Капитон Иванов ылла. Дартс күрэҕэр дьахталларга 1 миэстэни — Елизавета Сидорова, 2 миэстэни — Мария Ильина, 3 миэстэни — Екатерина Белолюбская ыллылар.
Хабылык күрэҕэр 1 миэстэни Екатерина Белолюбская, 2 миэстэни — Мария Ильина, 3 миэстэни — Татьяна Калинина ыллылар. Хаамыска күрэҕэр 1 миэстэни — Татьяна Калинина, 2 миэстэни — Екатерина Белолюбская, 3 миэстэни — Мария Ильина ыллылар.
Дуобат күрэҕэр 1 миэстэни Екатерина Белолюбская ылла, 2 миэстэни тиритиилээх киирсии кэннэ тэҥ очукуонан Мария Ильина уонна Капитон Иванов үллэһиннилэр. Кыайыылаахтарга анал кырааматалар туттарылыннылар. Ону таһынан олохтоох бибилэтиэкэр Туяра Васильевна ыыппыт викторинатыгар Татьяна Калинина кыайан анал бирииһи ылла.
Бу дьоро күҥҥэ ытык-мааны кырдьаҕастарбыт кэлэн сынньанан , оонньоон- көрүлээн, дуоһуйа сэһэргэһэн -кэпсэтэн сэргэхсийэн бардылар. Тэрийээччилэргэ махтал тылларын эттилэр. Бу үтүө киэһэни тэрийэрбит, Дьокуускай куоракка олорор, туобуйалар күтүөппүтүгэр, Борис Остобунаевка, тэрээһини ыытыспыт уонна ас астаһан көмөлөспүт биир дойдулаахтарбытыгар барҕа махтал тылларын тиэрдэбит. Өрүү бары маннык бэйэ-бэйэни өйөһөн-өйдөһөн, биир сомоҕо күүс буолан, бары бииргэ түмсэн үлэлиэҕиҥ. Зинаида Абрамова,
Туобуйатааҕы «Сайдам» КСК уус-уран салайааччыта.
Өрөспүүбүлүкэ нэһилиэнньэлээх пууннара массыына кыһыҥҥы суола аһыллыар диэри ирдэнэр кээмэйдээх оттук-энэргэтиическэй саппааһынан олоччу хааччылыннылар. Бу…
«Күн бүгүн эрэгийиэн иһинээҕи көтүүлэри үбүлээһин өрөспүүбүлүкэ бүддьүөтүн суотугар эрэ ыытыллар. Бу сыалга 250 мөлүйүөн…
Арассыыйаҕа массыына атыылаһарга чэпчэтиилээх кирэдьииттээһин хас даҕаны судаарыстыбаннай бырагыраама үлэлиир. Ону туһанан саҥа массыынаны атыылаһыахха…
Бу күннэргэ Горнай улууһун Бэрдьигэстээх сэлиэнньэтин ыччаттара нэһилиэк сэбиэтэ тэриллибит күнүн бэлиэтээтилэр. Бу туһунан Бэрдьигэстээх…
Сэтинньи 4-6 күннэригэр Дьокуускайга Сомоҕолоһуу күнүгэр аналлаах норуот уус-уран оҥоһуктарыгар босхо маастар-кылаастары ыытыахтара. Тэрээһини «Мин…
Өлүөнэ муостатын тутар былаһааккаҕа өрүс флотун муус туруон иннинээҕи үлэтэ түмүктэннэ. Ааспыт сезон устата 20-чэ…