Дьокуускайга икки саастаах оҕо түннүктэн суулунна

Саха сиринээҕи силиэстийэлиир кэмитиэт управлениета бүгүн, ыам ыйын 4 күнүгэр, киин куорат Хабаров аатынан уулуссаҕа турар дьиэ төрдүс мэндиэмэниттэн 2022 с.т. оҕо түннүктэн сууллубутун силиэстийэлиир.

Быһылаан миэстэтигэр силиэстийэлиир-суһал дьаһаллар ыытылыннылар, туһааннаах быһаарыылар ылыннылар. Билигин оҕо интенсивнай терапия балаататыгар сытар. Быраастар оҕо туругун олус ыарахан диэн сыаналыыллар.

Процессуальнай бэрэбиэркэ чэрчитинэн силиэдэбэтэллэр тахсыбыт быһылаан төрүөтүн үөрэтэллэр. Бэрэбиэркэ түмүгүнэн туһааннаах процессуальнай быһаарыы ылыллыаҕа диэн Саха сиринээҕи силиэстийэлиир кэмитиэт пресс-сулууспата биллэрэр. Силиэстийэлээччилэр төрөппүттэр оҕолорун көрүүтэ-истиитэ суох хаалларбаттарыгар ыҥыраллар.