Хаартыска: Уус Алдан улууһун дьаһалтатын пресс-сулууспата.
Бүгүн Уус Алдан улууһун II Байаҕантай нэһилиэгэр тыа хаһаайыстыбатын салаатыгар саҥа саҕахтары арыйар үөрүүлээх күн үүннэ.
Тиит Арыы бөһүөлэгэр Тарабукиннар дьиэ кэргэн аныгылыы тупсаҕай көстүүлээх, 50 төбөҕө аналлаах саҥа хотонноро үөрүүлээх быһыыга-майгыга аһылынна.
Анфиса уонна Константин Тарабукиннар сүөһү-сылгы иитиитинэн утумнаахтык дьарыктаммыттара номнуо 15 сыл буолла. Кинилэр төрүт дьарыгы сайыннарыыга, тыа сиригэр олоҕу-дьаһаҕы тупсарыыга ис сүрэхтэриттэн кыһаллаллар. Быйыл хаһаайыстыбаларын өссө киэҥник сайыннарар соруктаах, Тыа хаһаайыстыбатын министиэристибэтин иһинэн үлэлиир «Кыра кыамталаах эбийиэктэри тутуу» анал бырагыраамаҕа кыттан, 50 төбөҕө аналлаах саҥа хотон тутуутугар грант ылан, ону олоххо киллэрэн, бэркэ кичэйэн, хаачыстыбалаахтык туттулар. Хотону Мичил Готовцев салайааччылаах “Стимул” хааччахтаммыт эппиэтинэстээх тэрилтэ биригээдэтэ тутан үлэҕэ киллэрдэ.
Быйыл саҥа хотоҥҥо 76 сүөһүнү, ол иһигэр 32 ыанар ынаҕы, 44 субай сүөһүнү кыстатар былааннаахтар.
Үөрүүлээх күҥҥэ улуус баһылыга Василий Алексеев, өрөспүүбүлүкэ ыытар кыра кыамталаах эбийиэктэрин тутуу бырагыраамата көдьүүстээҕин этэн туран, Тарабукиннар дьиэ кэргэн үлэҕэ киллэрбит хотонноро хаачыстыбалаахтык тутуллубутун бэлиэтээтэ итиэннэ тыа сирин үлэһит дьонун өйөөһүн улуус биир сүрүн соруга буоларын эттэ, инники үлэлэригэр ситиһиилэри баҕарда. Нэһилиэк баһылыга Адрей Егоров Тарабукиннар дьиэ кэргэн Арассыыйа Үлэҕэ Дьоруойа Михаил Готовцевы кытта сүөһү боруодатын тупсарыыга ыкса үлэлэһэллэрин бэлиэтээтэ, хаһаайыстыбаларын кэҥэттэллэригэр нэһилиэк дьаһалтатын аатыттан оҕус бэлэх уунна. Тыа хаһаайыстыбатын управлениетын начаалынньыгын солбуйааччы Матрена Федорова II Байаҕантай нэһилиэгэр өрөспүүбүлүкэ өйөбүлүнэн ааспыт сылга икки тыраахтыр, быйыл Николай Аргунов хаһаайыстыбатыгар 10 төбө сылгы бэриллибитин иһитиннэрдэ. Бу саҥа хотон тутуллан, улуус тыатын хаһаайыстыбатын сайдыытыгар кылааттарын киллэрэллэрин иһин махталын, эҕэрдэтин тиэртэ.
Тарабукиннар дьиэ кэргэҥҥэ чэгиэн доруобуйаны, үлэлэригэр үрдүк ситиһиини, төрөөбүт дойдулара сайдарын туһугар таһаарыылаах үлэни баҕарабыт! Бу туһунан Уус Алдан улууһун дьаһалтатын пресс-сулууспата иһитиннэрэр.
Өрөспүүбүлүкэ нэһилиэнньэлээх пууннара массыына кыһыҥҥы суола аһыллыар диэри ирдэнэр кээмэйдээх оттук-энэргэтиическэй саппааһынан олоччу хааччылыннылар. Бу…
«Күн бүгүн эрэгийиэн иһинээҕи көтүүлэри үбүлээһин өрөспүүбүлүкэ бүддьүөтүн суотугар эрэ ыытыллар. Бу сыалга 250 мөлүйүөн…
Арассыыйаҕа массыына атыылаһарга чэпчэтиилээх кирэдьииттээһин хас даҕаны судаарыстыбаннай бырагыраама үлэлиир. Ону туһанан саҥа массыынаны атыылаһыахха…
Бу күннэргэ Горнай улууһун Бэрдьигэстээх сэлиэнньэтин ыччаттара нэһилиэк сэбиэтэ тэриллибит күнүн бэлиэтээтилэр. Бу туһунан Бэрдьигэстээх…
Сэтинньи 4-6 күннэригэр Дьокуускайга Сомоҕолоһуу күнүгэр аналлаах норуот уус-уран оҥоһуктарыгар босхо маастар-кылаастары ыытыахтара. Тэрээһини «Мин…
Өлүөнэ муостатын тутар былаһааккаҕа өрүс флотун муус туруон иннинээҕи үлэтэ түмүктэннэ. Ааспыт сезон устата 20-чэ…