Ааспыт сылга Саха сиригэр 11 592 оҕо төрөөбүт

Ааспыт 2022 сылга Саха сиригэр 11 592 оҕо күн сирин көрбүт — 5 975 уол уонна 5 617 кыыс. Ахсынньыга 970 оҕо төрөөбүт. ЗАГС управлениета ааспыт ыйга төрөөбүт оҕолорго иҥэриллибит ааттар туһунан иһитиннэрэр.

Лев, Артём, Марк, Артур, Михаил уонна Дамир диэн ааттарынан элбэх уолчааны ааттаабыттар. Олор истэригэр Алмаз, Вирджил, Ден, Ёсин, Зубайр, Леомар, Райн, Субедей, Фома, Яномир диэн эриэккэс ааттаахтар бааллар эбит.

Кыргыттары ордук София, Алиса, Анна, Виктория, Милана, Алина, Ева, Аделина, Алина уонна Амелия диэн сүрэхтээбиттэр. Эриэккэс ааттарга Авелина, Айла, Аливияна, Анна-Аврора, Ифора, Лауритта, Луна, Нафисамох, Нодирабегим, Осия, Риана, Сафа, Сиана, Тейлона, Улита, Юлиса диэннэри киллэрбиттэр.