Хааотыска: Елена Потоцкая.
Быйыл Өймөкөөн улууһун орто оскуолаларын 44, оттон 9-с кылааһы 34 выпускник бүтэрдэ.
Үөрэххэ туттарсар ыччаттарга эппиэттээх кэм үүннэ. «Абитуриент» ыстааба урукку сылларга курдук эрэсииминэн үлэлээбэтин, туох уратылааҕын туһунан Өймөкөөн улууһунааҕы «Абитуриент» ыстаабын эппиэттээх үлэһитэ Ульяна Винокурова кэпсээтэ:
— Үлэ сүрүннээн интэриниэт ситиминэн тэйиччиттэн ыытыллар. Билиҥҥи ыччат докумуоннарын хас да үөрэх кыһатыгар биэрэллэр. Онон ким ханна киирбитэ үөрэххэ ылыы түмүгэ таҕыстахтаҕына эрэ биллиэҕэ. Онон ким туох кыһалҕалааҕынан сүбэ-ама эрэ биэрэбит. Соторутааҕыта мин үс уолга талбыт үөрэхтэригэр киирэллэригэр наадалаах докумуоннары буларга көмөлөспүтүм.
От ыйын 20 күнүн кэнниттэн, ол аата орто анал үөрэх кыһаларыгар (кэллиэстэргэ уонна техникумнарга) туттарсыы хампаанньата саҕаланнаҕына, биһиги үлэбит дьэ күөстүү оргуйуоҕа. Бу үлэ, бастатан туран, тус сыаллаах миэстэлэри кытары ыкса сибээстээх. Ол аата тэрилтэ устудьуон үөрэҕин төлүүр, онтон ол өйөппүт ыччат үөрэҕин бүтэрдэҕинэ кинини өйөөбүт тэрилтэҕэ анал болдьохтоох кэм устата үлэлииргэ эбэһээтэлистибэ ылынар. Саха сирин ыраах улуустарыгар, холобур, Өймөкөөҥҥө, бу эдэр исписэлиистэри тардыыга олус тоҕоостоох уонна суолталаах ньыма.
Соторутааҕыта мин Тымныы полюһунан аатырар Өймөкөөнтөн айаннаан кэлбит эдэр дьон Дьокуускайы кытта билсэ сырыттахтарына көрсөн кэпсэттим. Альфред Сивцев, Туйгун Винокуров – Үчүгэй олохтоохторо, Святослав Тарков — Сордоҥноох ыччата. Уолаттар чуо орто анал үөрэх кыһатыгар туттарсар былааннаахтар. Ол иһин орто анал үөрэххэ туттарсыы хампаанньата саҕаланарын кэтэһэллэр. Эдэр дьон Хабаровскайга ньиэп-гаас хайысхатынан үөрэнэ киириэхтэрин баҕараллар эбит. Кэскиллээх баҕа санаа. Эдэр дьоҥҥо ханнык баҕарар саҥа саҕалааһыннарыгар ситиһиини баҕарабыт!
Өрөспүүбүлүкэ нэһилиэнньэлээх пууннара массыына кыһыҥҥы суола аһыллыар диэри ирдэнэр кээмэйдээх оттук-энэргэтиическэй саппааһынан олоччу хааччылыннылар. Бу…
«Күн бүгүн эрэгийиэн иһинээҕи көтүүлэри үбүлээһин өрөспүүбүлүкэ бүддьүөтүн суотугар эрэ ыытыллар. Бу сыалга 250 мөлүйүөн…
Арассыыйаҕа массыына атыылаһарга чэпчэтиилээх кирэдьииттээһин хас даҕаны судаарыстыбаннай бырагыраама үлэлиир. Ону туһанан саҥа массыынаны атыылаһыахха…
Бу күннэргэ Горнай улууһун Бэрдьигэстээх сэлиэнньэтин ыччаттара нэһилиэк сэбиэтэ тэриллибит күнүн бэлиэтээтилэр. Бу туһунан Бэрдьигэстээх…
Сэтинньи 4-6 күннэригэр Дьокуускайга Сомоҕолоһуу күнүгэр аналлаах норуот уус-уран оҥоһуктарыгар босхо маастар-кылаастары ыытыахтара. Тэрээһини «Мин…
Өлүөнэ муостатын тутар былаһааккаҕа өрүс флотун муус туруон иннинээҕи үлэтэ түмүктэннэ. Ааспыт сезон устата 20-чэ…