Ыам ыйын 9 күнүгэр «Өлбөт үйэлээх полкаҕа» тыһыынчанан киһи Кыайыыны уһансыбыт эбэлэрин-эһэлэрин мэтириэттэрин туран, халҕаһалыы хаамыстылар. Мэҥэ Хаҥалас Павловскайыттан төрүттээх Агафья Семеновна Тимофеева сарсыарда 9 чаастан кэлэн, инники кэккэҕэ хаамсар чиэстэннэ.
Кини 1984 сылтан Дьокуускай куоракка олорор.
— Ол кэмтэн Кыайыы параадыгар сыл аайы куруук сылдьабын. Кыайыы 50 сылыгар улахан параад буолбута, онно уолум Толик кыттыбыта. Оҕолорбун эмиэ үөрэтэбин, сырытыннарабын. Кыайыыны уһансыбыт дьоммутугар улаханнык махтанабын, киэн туттабын, сүгүрүйэбин.
Мин аҕам Тимофеев Семен Иннокентьевич «АлСиб» бырайыагар тыаны солоон, суол оҥоһуутугар сылдьыбыта. Байыаннай билиэтэ кыһыл этэ, онон «совершенно секретно» диэн суруктааҕа. Ол иһин оччотооҕу үлэтин, сулууспатын улаханнык кэпсээбэккэ, илдьэ бардаҕа. Павловскай кыраайы үөрэтэр мусуойугар американецтар саппыкылара, атын да эспэнээттэрэ бааллар. Аҕам мэтириэтин киэн тутта сыл аайы күөрэччи көтөҕөн, «Өлбөт үйэлээх полкаҕа» хаамабын.
Маны тэҥэ, кэргэним уола анал байыаннай дьайыыга баран, хорсуннук кыргыһа сылдьан, тыынын толук уурда. 3,5 сыл сэриилэстэ. Сураҕа суох сүтэн, билигин да булбакка сылдьабыт. Кини мэтириэтин быйыл эмиэ туттубут.
Баҕарабын бар дьоммор, чэгиэн доруобуйаны, эйэлээх олоҕу уонна бэйэ-бэйэни ытыктаһыыны, өйдөһүүнү! Оҕолорбутун, сиэннэрбитин оннук үөрэттэхпитинэ, өссө үчүгэй кэмнэр кэлиэхтэрэ. Кыайыы өрөгөйдөөх күнэ үүнүөҕэ!
Өрөспүүбүлүкэ нэһилиэнньэлээх пууннара массыына кыһыҥҥы суола аһыллыар диэри ирдэнэр кээмэйдээх оттук-энэргэтиическэй саппааһынан олоччу хааччылыннылар. Бу…
«Күн бүгүн эрэгийиэн иһинээҕи көтүүлэри үбүлээһин өрөспүүбүлүкэ бүддьүөтүн суотугар эрэ ыытыллар. Бу сыалга 250 мөлүйүөн…
Арассыыйаҕа массыына атыылаһарга чэпчэтиилээх кирэдьииттээһин хас даҕаны судаарыстыбаннай бырагыраама үлэлиир. Ону туһанан саҥа массыынаны атыылаһыахха…
Бу күннэргэ Горнай улууһун Бэрдьигэстээх сэлиэнньэтин ыччаттара нэһилиэк сэбиэтэ тэриллибит күнүн бэлиэтээтилэр. Бу туһунан Бэрдьигэстээх…
Сэтинньи 4-6 күннэригэр Дьокуускайга Сомоҕолоһуу күнүгэр аналлаах норуот уус-уран оҥоһуктарыгар босхо маастар-кылаастары ыытыахтара. Тэрээһини «Мин…
Өлүөнэ муостатын тутар былаһааккаҕа өрүс флотун муус туруон иннинээҕи үлэтэ түмүктэннэ. Ааспыт сезон устата 20-чэ…