А.Сорокин
Саха сирин баһылыга кыһыҥҥы кэмҥэ таһаҕас тиэйиитин туругун туһунан сүбэ мунньах ыытта. Ону сэргэ суол-иис билиҥҥи туругун дьүүллэстилэр.
Айсен Николаев билиҥҥи сүрүн соругу туруорда – Арктикаҕа уонна уустук суоллаах -иистээх сирдэргэ олоххо-дьаһахха наадалаах таһаҕаһы суолга хааччахтааһыннар олохтоно иликтэринэ тиэрдэргэ.
“Бүгүҥҥү туругунан, тиэрдии былаана 70 быр. туолла. Күн-дьыл эмискэ сылыйыытыттан сылтаан быйыл кыһыҥҥы суолунан уонна мууһунан сырыы эрдэ сабыллыан сөп. Онон бары сулууспалар үлэлэрин түргэтэтиэхтээхтэр. Бырабыыталыстыбаҕа, муниципалитеттарга, суол сулууспаларыгар, тиэйээччилэргэ, ОДьКХ тэрилтэлэригэр оттугу, аһы-үөлү, атын наадалаах таһаҕаһы муҥутуур түргэнник тиэрдэр сорук туруоруллар”, — диэтэ Айсен Николаев.
СӨ Тырааныспарка уонна суол хаһаайыстыбатыгар министиэристибэтэ иһитиннэрбитинэн, өрөспүүбүлүкэҕэ мууһунан туоратар сирдэргэ таһаҕас уйугун түһүмэхтэринэн хааччахтааһын саҕаланыаҕа.Бу туһунан “Саха сирэ” хаһыат саайтыгар бүгүн сиһилии суруллубута.
Онон былаас уорганнарыгар уонна анал сулууспаларга олоҕу-дьаһаҕаһы хааччыйар таһаҕас кэмигэр тиэрдиллэригэр сорук туруоруллар. Онон кыһыҥҥы суоллар харгыһа суох үлэлииллэрин, суол туруга эмискэ мөлтүүр түгэнигэр туоратар суоллары суһаллык оҥоруу ирдэнэр.
Мунньах түмүгүнэн Айсен Николаев кыһыҥҥы суоллар уонна мууһунан туорааһыннар туруктарын күн аайы хонтуруоллуурга, кыһалҕалаах учаастактары суһаллык туоратарга соруйда.
sakha.gov.ru
Хаартыска: Андрей Сорокин
Сиһилии: https://www.sakha.gov.ru/news/40929
Өрөспүүбүлүкэ нэһилиэнньэлээх пууннара массыына кыһыҥҥы суола аһыллыар диэри ирдэнэр кээмэйдээх оттук-энэргэтиическэй саппааһынан олоччу хааччылыннылар. Бу…
«Күн бүгүн эрэгийиэн иһинээҕи көтүүлэри үбүлээһин өрөспүүбүлүкэ бүддьүөтүн суотугар эрэ ыытыллар. Бу сыалга 250 мөлүйүөн…
Арассыыйаҕа массыына атыылаһарга чэпчэтиилээх кирэдьииттээһин хас даҕаны судаарыстыбаннай бырагыраама үлэлиир. Ону туһанан саҥа массыынаны атыылаһыахха…
Бу күннэргэ Горнай улууһун Бэрдьигэстээх сэлиэнньэтин ыччаттара нэһилиэк сэбиэтэ тэриллибит күнүн бэлиэтээтилэр. Бу туһунан Бэрдьигэстээх…
Сэтинньи 4-6 күннэригэр Дьокуускайга Сомоҕолоһуу күнүгэр аналлаах норуот уус-уран оҥоһуктарыгар босхо маастар-кылаастары ыытыахтара. Тэрээһини «Мин…
Өлүөнэ муостатын тутар былаһааккаҕа өрүс флотун муус туруон иннинээҕи үлэтэ түмүктэннэ. Ааспыт сезон устата 20-чэ…