Хаартыска: Ил Дархан Айсен Николаев МАХ-ханаалыттан.
Ил Дархан Айсен Николаев Дьокуускайга Кыайыы күнүнэн «Воинам-победителям» өйдөбүнньүккэ сибэкки дьөрбөтүн ууруу сиэригэр-туомугар кытынна. Бу туһунан МАХ-ханаалыгар иһитиннэрэр:
— Бүгүн Кыайыы болуоссатыгар сэрии бэтэрээннэрин, байыаннай дьайыы кыттыылаахтарын уонна Арассыыйа Дьоруойдарын кытта биир кэккэҕэ туран, «Воинам-победителям» монумеҥҥа сибэкки дьөрбөтүн ууруу сиэригэр-туомугар кытынным. Бу манна көлүөнэлэр быстыспат ситимнэрэ биллэрэ: 1945 сыллаахха дойдубутугар Кыайыыны аҕалбыттартан саҕалаан, бүгүн Аҕа дойдуну чиэстээхтик көмүскүүр дьоммутугар тиийэ.
Биһиги дойдубут көҥүлүн уонна кэскилин туһугар олохторун толук уурбут, фроннарга охсуспут уонна тыылга үлэлээбит, хорсун быһыыларынан уонна бэриниилэринэн Кыайыыны ситиспит дьон ааттарыгар сүгүрүйэбит. Маннык мүнүүтэлэр дьону ордук күүскэ түмэллэр. Кинилэргэ биһиги көлүөнэбитигэр махталбыт, дойдубутугар тапталбыт уонна кэнчээри ыччакка эппиэтинэспит баар.
Улуу Кыайыы күнэ — биһиги барыбыт сүрэхпитигэр умнуллубат ытык күн. Сүгүрүйэбит фроҥҥа уонна тыылга Кыайыыны уһансыбыт хорсун дьоммутугар! Бүгүн биһиги бииргэ аҕа көлүөнэбит албан аатын кэриэстээн, кинилэр үтүө дьыалаларын салҕыыбыт. Албан аат сэрии дьоруойдарыгар! Уруй-айхал Аҕа дойдуну көмүскээбит ытык дьоммутугар! Туругурдун Улуу Арассыыйа! Туругурдун Улуу Кыайыы!
Өрөспүүбүлүкэ нэһилиэнньэлээх пууннара массыына кыһыҥҥы суола аһыллыар диэри ирдэнэр кээмэйдээх оттук-энэргэтиическэй саппааһынан олоччу хааччылыннылар. Бу…
«Күн бүгүн эрэгийиэн иһинээҕи көтүүлэри үбүлээһин өрөспүүбүлүкэ бүддьүөтүн суотугар эрэ ыытыллар. Бу сыалга 250 мөлүйүөн…
Арассыыйаҕа массыына атыылаһарга чэпчэтиилээх кирэдьииттээһин хас даҕаны судаарыстыбаннай бырагыраама үлэлиир. Ону туһанан саҥа массыынаны атыылаһыахха…
Бу күннэргэ Горнай улууһун Бэрдьигэстээх сэлиэнньэтин ыччаттара нэһилиэк сэбиэтэ тэриллибит күнүн бэлиэтээтилэр. Бу туһунан Бэрдьигэстээх…
Сэтинньи 4-6 күннэригэр Дьокуускайга Сомоҕолоһуу күнүгэр аналлаах норуот уус-уран оҥоһуктарыгар босхо маастар-кылаастары ыытыахтара. Тэрээһини «Мин…
Өлүөнэ муостатын тутар былаһааккаҕа өрүс флотун муус туруон иннинээҕи үлэтэ түмүктэннэ. Ааспыт сезон устата 20-чэ…