Айсен Николаев Саха сирин экэнэмиичэскэй сайдыытыгар мунньах ыытта

Ил Дархан Айсен Николаев бүгүн, кулун тутар 19 күнүгэр, Саха сирин экэнэмиичэскэй сайдыытын хааччыйыыга суһал ыстаабын президиумун мунньаҕын ыытта.

Айсен Николаев «Азия оҕолоро» норуоттар икки ардыларынааҕы успуорт оонньууларыгар бэлэмнэнии уонна социальнай суолталаах эбийиэктэри эмигэр үлэҕэ киллэриигэ быһаарыылары суһаллык ылыыныы наадатын бэлиэтээтэ.

Мунньахха Дьокуускайга Николай Тарскай аатынан «Туймаада» стадионун өрөмүөнүн, ону тэҥэ Дьокуускайга «Спортивный» түөлбэҕэ оҕо уһуйаанын тутуутун, «2019-2025 сс. гражданнары хаарбах олорор дьиэлэр пуондатыттан көһөрүү» аадырыстаах бырагырааманан Алдан уонна Нерюнгри улуустарынан үлэ хаамыыта көрүлүннэ.

«Аан дойдутааҕы успуорт оонньууларыгар бэлэмнэнии үлэ тэтимин улаатыннарыы, социальнай эбийиктэри тутууга бары көрдөрүүлэри ситиһии сүрүн сорукпут», — диэн Айсен Николаев ыйда.

Санатан эттэххэ, дойду Бэрэсидьиэнэ Владимир Путин көҕүлээбит национальнай бырайыактарын чэрчитинэн, Саха сиригэр 124 социальнай эбийиэк, ол иһигэр оскуолалар, оҕо уһуйааннара, успуорт саалалара, балыыһалар, фельдшерскэй- акушерскай пууннар, уо.д.а. тутуллуохтара.

 Сиһилии манна көр.

СӨ Ил Дарханын уонна Бырабыыталыстыбатын пресс-сулууспата