Хаартыска: Андрей Сорокин, ЯСИА
Саха Өрөспүүбүлүкэтин Ил Дархана Айсен Николаев Судаарыстыбаннай статистика федеральнай сулууспатын салайааччытын солбуйааччы Сергей Окладниковы кытта сүбэ мунньаҕы ыытта. Өрүттэр эрэгийиэннэр социальнай-экэнэмиичэскэй сайдыыларын олоххо киллэрии уонна статистика өттүнэн арыаллааһын боппуруостарын көрдүлэр. Бу туһунан sakha.gov.ru суруйар.
Айсен Николаев статистика көннөрү иһитиннэриини биэрэр источнигынан буолбакка, судаарыстыбаны салайыы дьоһун тэрилэ буоларын бэлиэтээтэ.
“Дьиҥнээх уонна толору чахчылар ылыллар быһаарыылар хаачыстыбаларыгар сабыдыаллыыллар уонна былаас бары таһымыгар көдьүүстээх үлэни мэктиэлииллэр”, — диэтэ Саха сирин баһылыга.
Айсен Николаев маны сэргэ сулууспа кыаҕын өссө көдьүүстээхтик туһаныахха сөбүн ыйда. Чуолаан, социальнай статистикаҕа ураты болҕомтону, ону тэҥэ бырамыысыланнас тэрилтэлэрин экэниэмикэ өттүнэн көрдөрүүлэригэр ууруохха.
“Оҥоһуллар бородууксуйа кээмэйин толору көрдөрүүнү хааччыйыахха, кини сыанатын киллэрэн туран”, — диэтэ Айсен Николаев. Судаарыстыбаннай статистика федеральнай сулууспатын салайааччытын солбуйааччы Сергей Окладников Саха сирэ Росстат пилотнай бырайыактарыгар кыттарыгар этии киллэрдэ.
“Бастакы уочаратынан, статистика чинчийиилэрин электроннай формакка көһөрүү буолар. Саха Өрөспүүбүлүкэтэ бэйэтин үрдүк цифровизациятынан бырайыак соруктарыгар муҥутуурдук сөп түбэһэр. Чуолаан, электроннай формакка оробуочай күүһү чинчийиини көһөрүүнү былаанныахха сөп, оттон пилот түмүктэрин салгыы дойдуга бүттүүнүгэр киллэриэххэ”, — диэтэ Сергей Окладников .
Айсен Николаев Судаарыстыбаннай статистика федеральнай сулууспатын пилотнай бырайыактарыгар Саха сирэ кыттар бэлэмнээҕин эттэ.
Сиһилии: https://www.sakha.gov.ru/news/55917
Өрөспүүбүлүкэ нэһилиэнньэлээх пууннара массыына кыһыҥҥы суола аһыллыар диэри ирдэнэр кээмэйдээх оттук-энэргэтиическэй саппааһынан олоччу хааччылыннылар. Бу…
«Күн бүгүн эрэгийиэн иһинээҕи көтүүлэри үбүлээһин өрөспүүбүлүкэ бүддьүөтүн суотугар эрэ ыытыллар. Бу сыалга 250 мөлүйүөн…
Арассыыйаҕа массыына атыылаһарга чэпчэтиилээх кирэдьииттээһин хас даҕаны судаарыстыбаннай бырагыраама үлэлиир. Ону туһанан саҥа массыынаны атыылаһыахха…
Бу күннэргэ Горнай улууһун Бэрдьигэстээх сэлиэнньэтин ыччаттара нэһилиэк сэбиэтэ тэриллибит күнүн бэлиэтээтилэр. Бу туһунан Бэрдьигэстээх…
Сэтинньи 4-6 күннэригэр Дьокуускайга Сомоҕолоһуу күнүгэр аналлаах норуот уус-уран оҥоһуктарыгар босхо маастар-кылаастары ыытыахтара. Тэрээһини «Мин…
Өлүөнэ муостатын тутар былаһааккаҕа өрүс флотун муус туруон иннинээҕи үлэтэ түмүктэннэ. Ааспыт сезон устата 20-чэ…