Алдан оройуонугар сокуоннай сааһын ситэ илик оҕо уоран тутулунна

ИДьМ Алданнааҕы салаата иһитиннэрбитинэн, Алдан оройуонугар холуобунай ирдэбил үлэһиттэрэ  уорууга уорбаланар 17 саастаах уолу туппуттар. 

Ол курдук 17 саастаах уол сарсыарда биэс чаас саҕана уулуссанан ааһан иһэн, билбэт дьонун гарааһын аана аһаҕас турарын көрбүт. Гарааһы өҥөйөн кини дизельнай сылытар тэрил, шуруповерт, ону сэргэ дьааһыктаах күлүүс нобуора сыталларын көрбүт. Уһуннук толкуйдуу барбакка уорарга санаммыт. Уорбут малын-салын барытын атын сиргэ илдьэн хаар анныгар көмөн кэбиспит. Хас да хонугунан кини билэр дьонун барыларын уоруунан сибээстээн полицияҕа ыҥыран эрэллэрин билбит. Ол иһин оҥорбут буруйун билинэргэ быһаарыммыт. Арассыыйа Федерациятын холуобунай кодексатын 158 ыст. 2 ч. уоруу диэнинэн холуобунай дьыала тэриллибит.