Андрей Федотов тирэх пууннар үлэлэрин бэрэбиэркэлээтэ

Андрей Федотов ДНӨ уонна ЛНӨ тирэх пууннар үлэлэрин бэрэбиэркэлээтэ.

ДНӨ уонна ЛНӨ Саха сирин тирэх пууннарын бэрэстэбиитэллэрэ байыастарга эбии тэриллэри тиэртилэр. Бу туһунан брифиҥҥэ тирэх пууннар сүрүн координатордара Юстас иһитиннэрдэ.

-Эбии тэриллэр, ол иһигэр «Сокол» көлөлөр байыастарга СӨ бырабыыталыстыбатын бэрэссэдээтэлин бастакы солбуйааччы, РФ бэрэсидьиэнигэр Саха сирин бастайааннай бэрэстэбиитэлэ, Кэлим сүрүннүүр киини салайар Андрей Федотов салалтатынан тиэрдилиннилэр. Кини өрөспүүбүлүкэ тирэх пууннарын үлэтин бэрэбиэркэлээтэ, байыаннай чаастарга уонна госпиталларга сырытта, үлэни ситэрэргэ-хоторорго саҥа сыалы-соругу туруорда. Хамандыырдары уонна  подразделениелар тус састааптарын кытта Саха сириттэн аҕалыллыбыт байыаннай уонна анал тиэхиньикэлэри туһаныы, хааччыйыы боппуруостара дьүүллэһилиннилэр. Байыаннай сулууспалаахтар «Сокол» квадроцикллары, ТОР оҥоһуктарын үчүгэйдэр диэн бэлиэтээтилэр. Аҕа дойдуну көмүскээччилэр күннэрин көрсө байыастарга бэлэх набордары кэмигэр тиэрдэргэ Саха сирин салалтата  сорук туруорда. Байыаннай быһыыны-майгыны учуоттаан экипаж саҥа маршруттара оҥоһулуннулар, — диэн иһитиннэрэр Юстас.

СӨ Ил Дарханын уонна Бырабыыталыстыбатын пресс-сулууспата

Хаартыскалар: sakha.gov.ru