«Арассыыйа – мин устуоруйам» паарката Саха Өрөспүүбүлүкэтин күнүгэр ураты бырагырааманы бэлэмнээтэ

Дьокуускайга «Арассыыйа – мин устуоруйам» устуоруйа пааркатыгар бырааһынньыктааҕы Саха Өрөспүүбүлүкэтин күнүгэр ураты тэрээһиннэр ыытыллыахтара.

10:00 ч. бырааһынньыктааҕы тэрээһиннэр киин куорат уулуссаларынан баһаарынай тиэхиньикэлэр сырыытыттан саҕаланар.

11:00-18:00 ч. устуоруйа пааркатын  территориятыгар баһаарынай тиэхиньикэ көрдөрүүтэ ыытыллыаҕа. Итиэннэ 2023 сыл түмүгүнэн бастыҥ баһаарынайдары наҕаарадаланыахтара.

14:00 ч. историческай паарка ыалдьыттарыгар «Становление ЯАССР» уонна «Мы основали Якутскую АССР» тематическай экскурсиялар,  алгыс сиэрэ-туома, атыы-эргиэн дьаарбаҥката, «Мой родной Край» бырааһынньыктааҕы кэнсиэр уонна араас маастар-кылаастар ыытыллыахтара.

15:00 ч. Ыалдьыттарга Саха норуодунай маастара Анисья Федорова үлэлэрин көрдөрүөхтэрэ.

15:30 ч. Сирия, Камерун, Афганистаан, Монголия уонна Таджикистаан төрүт үгэстэрин уонна култуураларын туһунан атын дойду устудьуоннара кэпсиэхтэрэ.

Тэрээһиҥҥэ киирии босхо. Билсэр төл.: 40-35-97.

СӨ Ил Дарханын уонна Бырабыыталыстыбатын пресс-сулууспата