Арассыыйаҕа inDrive сыһыарыы үлэтин тохтотуоҕа

Саха сиригэр толкуйдаммыт inDrive такси сакаастыыр сервис Арассыыйаҕа үлэтин тохтотуоҕа. Бу туһунан ТАСС суруйар.

Бу сыһыарыы оннугар аны саҥа сыһыарыы үлэлиэҕэ. Drivee диэн ааттаах саҥа сервиһи бу ыйтан олоххо киллэриэхтэрэ.

Саҥа сыһыарыы үлэтин саҕалаатаҕына, урукку сыһыарыыга айаны сакаастыыр тохтуоҕа. Сыһыарыы үлэтин тохтотор бу диэн күнэ-дьыла биллибэт. Арай, Арассыыйа туһанааччыларыгар Drivee сыһыарыыны төлөпүөҥҥэ хачайдыы турарга сүбэлииллэр.