Хаартыска: sakhagov.ru
Кэнники сылларга Саха сирин Арктическай улуустарыгар хомунаалынай уонна энергетическэй инфраструктураны саҥардыыга сорох бырайыактар олоххо киирдилэр.
Арассыыйа бэрэсидьиэнэ Владимир Путин Арктиканы сайыннарыы судаарыстыбаннай сүрүн сорук буоларын хаста да тоһоҕолоон этэн турар. Кини аныгы олох усулуобуйатын тэрийии уонна хотугу дьон олохторун хаачыстыбатын тупсарыы олус наадалааҕын этэр. Хомунаалынай инфраструктураны саҥардыыга бырайыактары олоххо киллэрии Арктика улуустарын олохтоохторун үрдүк хаачыстыбалаах өҥөлөрүнэн уонна эрэллээх эниэргийэнэн хааччыйыынан бу сыаллары ситиһэргэ көмөлөһөр.
2025 сыллаахха Дьааҥы улууһун Баатаҕай нэһилиэгэр хомунаалынай инфраструктураны саҥардыы чэрчитинэн тутуллубут аныгы ууну ыраастыыр ыстаансыйа үлэҕэ киирбитэ. Эбээн-Бытантай национальнай улуус Кустуур нэһилиэгэр олохтоохторго эрэллээх уонна экологияҕа сөптөөх сылааһы хааччыйар саҥа мас хочуолунай үлэтин саҕалаата. Аллараа Халыма улууһун Черскэй нэһилиэгэр 9,3 МВт кыамталаах аныгы энергетическэй комплекс үлэҕэ киирдэ.
Арктика улуустарын олохтоохторо хомунаалынай хаһаайыстыбалары саҥардыы хотугу нэһилиэктэр олохторун хаачыстыбатыгар уонна өҥө эрэллээх буолуутугар быһаччы дьайарын бэлиэтииллэр.
«Биһиэхэ саамай сүрүнэ – кыһыҥҥы кэмҥэ тохтоло суох сылаас, уу, уот баара. Арктика усулуобуйатыгар бу табыгастаах буолуу эрэ буолбакка, олох тыын боппуруоһа. Онон олохтоохтор саҥа эбийиэктэр эбиллэллэрин чахчы үчүгэй өттүгэр уларыйыы курдук ылыналлар», — диэн бэлиэтээтэ хотугу улуус олохтооҕо Алексей Софронов.
Саха сирин бары улуустарыгар хомунаалынай хаһаайыстыбалары саҥардыыга үлэ барар. Нерюнгригэ ууну хааччыйар уонна кирдээх ууну ыраастыыр эбийиэктэри саҥардыы үлэтэ бара турар. Алта учаастакка тутуу-монтаж үлэтэ 2026 сыл бүтүөр диэри түмүктэниэхтээх. «Олорор дьиэ уонна куорат эйгэтэ» национальнай бырайыак «Ыраас уу» федеральнай бырайыагын чэрчитинэн, 2025 сыллаахха Горнай оройуонун Бэрдьигэстээх сэлиэнньэтигэр, Амма улууһунАлтан нэһилиэгэр, уу ситимэ уонна уунан хааччыйар эбийиэктэр тутулуннулар.
Сиһилии: https://www.sakha.gov.ru/news/55358
Өрөспүүбүлүкэ нэһилиэнньэлээх пууннара массыына кыһыҥҥы суола аһыллыар диэри ирдэнэр кээмэйдээх оттук-энэргэтиическэй саппааһынан олоччу хааччылыннылар. Бу…
«Күн бүгүн эрэгийиэн иһинээҕи көтүүлэри үбүлээһин өрөспүүбүлүкэ бүддьүөтүн суотугар эрэ ыытыллар. Бу сыалга 250 мөлүйүөн…
Арассыыйаҕа массыына атыылаһарга чэпчэтиилээх кирэдьииттээһин хас даҕаны судаарыстыбаннай бырагыраама үлэлиир. Ону туһанан саҥа массыынаны атыылаһыахха…
Бу күннэргэ Горнай улууһун Бэрдьигэстээх сэлиэнньэтин ыччаттара нэһилиэк сэбиэтэ тэриллибит күнүн бэлиэтээтилэр. Бу туһунан Бэрдьигэстээх…
Сэтинньи 4-6 күннэригэр Дьокуускайга Сомоҕолоһуу күнүгэр аналлаах норуот уус-уран оҥоһуктарыгар босхо маастар-кылаастары ыытыахтара. Тэрээһини «Мин…
Өлүөнэ муостатын тутар былаһааккаҕа өрүс флотун муус туруон иннинээҕи үлэтэ түмүктэннэ. Ааспыт сезон устата 20-чэ…