«Азия оҕолоро» оонньууларга интэриэс олус улахан

Ил Дархан Айсен Николаев “Якутия вперед!” биэриигэ норуоттар икки ардыларынааҕы «Азия оҕолоро» оонньуулары Саха сирин Бастакы Бэрэсидьиэнэ Михаил Николаев төрүттээбитин санатан эттэ.

“Бу оонньуулартан  аан дойду, дойду иһинээҕи чөмпүйүөннэр  кынаттанан тахсыбыттара. Быйылгы оонньууларга интэриэс олус улахан, 20-тэн тахса дойду спортсменнара кыттыыны ылаллара күүтүллэр. Хамаандалар хаҥаабыттара көстөр, кыттар дойдулар уруккутааҕар элбэх спортсменнары ыытаары сылдьалларын билэбит. Онон эппиэтинэс улахан, сөптөөх бэлэмнэнии үлэ бара турар”, — диэн  эбэн эттэ Ил Дархан.