«Азия оҕолорун» уотун эстафетата Ленскайга тиийдэ

«Азия оҕолорун» уотун Ленскай куорат уулуссаларынан 18 уот факелоносецтара тутан сүүрдүлэр.

Уоту уматыы сиэрэ-туома оонньуулар саҕаланыахтара 100 күн иннинэ, кулун тутар 19 күнүгэр «Өлүөнэ очуостара» национальнай пааркаҕа ыытыллыбыта. Эстафетаҕа анаан 80 факелы бэлэмнээбиттэрэ. Барыта 550 факелоносец холбоон 37 тыһ. км сылдьыахтара. Бу туһунан «Азия оҕолоро» норуоттар икки ардыларынааҕы кэмитиэт иһитиннэрэр.

Санаттахха, «Азия оҕолоро» норуоттар икки ардыларынааҕы спортивнай оонньуулар уоттарын эстафетата кулун тутар 20 күнүттэн Покровскайтан саҕаламмыта уонна от ыйын 26 күнүгэр «Туймаада» стадиоҥҥа кэлэн түмүктэниэҕэ.