Байыаннай дьайыы бэтэрээннэрэ Дьиэ кэргэн, таптал уонна эрэллээх буолуу тэрээһиннэригэр кытыннылар

Саха сирин оройуоннарыгар  Дьиэ кэргэн, таптал уонна эрэллээх буолуу күнүгэр байыаннай дьайыы бэтэрээннэрэ уонна дьиэ кэргэттэрин чилиэннэрэ социальнай сүрүннээччилэр ыҥырыыларынан тэрээһиннэргэ кытыннылар, диэн “Аҕа дойдуну көмүскээччилэр” пуонда Саха сиринээҕи филиала иһитиннэрдэ.

Ол курдук, Алдаҥҥа Бүтүн Арассыыйатааҕы дьиэ кэргэн күнүгэр анаммыт бырааһынньыктааҕы тэрээһин буолла. Ыалдьыттарга анаан Алдан оройуонун уонна Саха Өрөспүүбүлүкэтин айар кэлэптииптэрэ, Москваттан ыҥырыылаахтар кытыннылар.

”Аҕа дойдуну көмүскээччилэр” пуонда филиалын сүрүннээччитэ Анна Ларина ыҥырыытынан бырааһынньыкка бойобуой дьайыылар бэтэрээннэрэ уонна Аҕа дойдуларын көмүскүү сылдьан олохторун толку уурбутттар дьиэ кэргэттэрин чилиэннэрэ кытыннылар.”Бырааһынньыгы олус сөбүлээтибит. Оҕолор уонна улахан дьон эмиэ сэргэхсийдибит”, — диэн санаатын үллэһиннэ бойобуой дьайыы бэтэрээнэ Сергей Спирин диэн sakha.gov.ru иһитиннэрэр.

Нам улууһугар “Движение первых” олохтоох салаатын, Дьиэ кэргэҥҥэ уонна ыччакка социальнай-психологическай көмө киинин Намнааҕы филиалын, сэлиэнньэ дьаһалтатын өйөбүллэринэн “Ромашковое настроение” квиз-оонньуу ыытылынна. Бу күн байыаннай дьайыы кыттыылаахтарын дьиэ кэргэттэрэ мустан, бэйэ-бэйэлэрин кытта билистилэр. Оонньуу биэс түһүмэхтэн турбута. Түмүккэ барыларыгар махтал суруктары туттарбыттара. Рефлексия кэмигэр кыттааччылар маннык үтүө түгэннэргэ өссө кыттар баҕалаахтарын эппиттэрэ.

“Пуонда филиалын социальнай сүрүннээччилэрин көмөлөрүнэн тэриллибит бырааһынньыктааҕы тэрээһиннэр бэтэрээннэргэ уонна кинилэр дьиэ кэргэттэригэр юридическай уонна олох-дьаһах боппуруостарын эрэ быһаарыынан муҥурданыа суохтааҕын көрдөрдүлэр”, — диэн пуонда социальнай сүрүннээччилэрэ бэлиэтээтилэр.

Сиһилии: https://www.sakha.gov.ru/news/55921