www.sakha.gov.ru
Байыаннай дьайыы 20 инбэлиит бэтэрээннэрин Дьокуускай куорат «Лидер Про» автооскуолатыгар атырдьах ыйын 12 күнүттэн массыына ыытарга босхо үөрэтэн саҕалыахтара. Бу туһунан «Защитники Отечества» пуонда Саха сиринээҕи салаата иһитиннэрдэ.
Автооскуола дириэктэрин солбуйааччы Мария Устенкова эппитинэн, «Лидер Про» автооскуола 2026 сылга Арассыыйа Бэрэсидьиэнэ Владимир Путин гражданскай уопсастыбаны сайыннарыыга анаммыт гранын ылбыт. Кэлбит үп«Открытая дорога» бырайыакка ыытыллыбыт. Ол эбэтэр инбэлииттэргэ, байыаннай дьайыы бэтэрээннэригэр уонна кинилэр дьиэ кэргэттэригэр суоппар кууруһун тэрийиигэ. «Биһиги автооскуолабытыгар бу иннинэ 10-тан тахса байыаннай дьайыы бэтэрээнэ уонна кинилэр дьиэ кэргэттэрэ үөрэммиттэрэ. Үөрэх теория чааһын уонна практическай дьарыктары хабар», — диэн Мария Устенкова кэпсээтэ.
«Мин быраабым суох, ол эрээри массыынаны ыытыахпын наһаа баҕарабын. Миэхэ үөрэн диэн этии киллэрбиттэригэр үөрэ-көтө сөбүлэспитим уонна көрсүһүүгэ кэлбитим. Массыынаны ыытарга босхо үөрэнэр кыахтаммыппар пуонда филиала уонна «Лидер Про» автооскуолаҕа махтанабын», — диэн байыаннай дьайыы бэтэрээнэ Виталий Воробьёв эттэ.
Өрөспүүбүлүкэ нэһилиэнньэлээх пууннара массыына кыһыҥҥы суола аһыллыар диэри ирдэнэр кээмэйдээх оттук-энэргэтиическэй саппааһынан олоччу хааччылыннылар. Бу…
«Күн бүгүн эрэгийиэн иһинээҕи көтүүлэри үбүлээһин өрөспүүбүлүкэ бүддьүөтүн суотугар эрэ ыытыллар. Бу сыалга 250 мөлүйүөн…
Арассыыйаҕа массыына атыылаһарга чэпчэтиилээх кирэдьииттээһин хас даҕаны судаарыстыбаннай бырагыраама үлэлиир. Ону туһанан саҥа массыынаны атыылаһыахха…
Бу күннэргэ Горнай улууһун Бэрдьигэстээх сэлиэнньэтин ыччаттара нэһилиэк сэбиэтэ тэриллибит күнүн бэлиэтээтилэр. Бу туһунан Бэрдьигэстээх…
Сэтинньи 4-6 күннэригэр Дьокуускайга Сомоҕолоһуу күнүгэр аналлаах норуот уус-уран оҥоһуктарыгар босхо маастар-кылаастары ыытыахтара. Тэрээһини «Мин…
Өлүөнэ муостатын тутар былаһааккаҕа өрүс флотун муус туруон иннинээҕи үлэтэ түмүктэннэ. Ааспыт сезон устата 20-чэ…