Хаартыска: sakha.gov.ru ылылынна
Биир нэдиэлэ иһигэр психологтар байыаннай дьайыы кыттыылаахтарын уонна кинилэр чугас дьоннорун кытта 600 кэриҥэ үлэ араас көрүҥүн ыыппыттар.
Психологтар биирдиилээн уонна бөлөҕүнэн 600 кэриҥэ үлэни ааспыт нэдиэлэҕэ ыыппыттар. Үлэ Саха сиригэр уонна Доннааҕы Ростовка госпиталь хайысхатынан ыытыллыбыт. Манна байыаннай дьайыы кыттыылаахтара уонна кинилэр дьиэ кэргэттэрин чилиэннэрэ, 500-тэн тахса киһи, хабыллыбыт.
СӨ психологическай киинин дириэктэрин солбуйааччы Анатолий Кузьмин иһитиннэрбитинэн, бастакы уонна хатыланар консультациялар, ону тэҥэ дьарыктар ыытыллыбыттар. Кини сүрүн киин исписэлиистэрэ Өлүөхүмэҕэ баран үлэлээбиттэрин этэр.
—Үлэ сүрүн соруга — нэһилиэнньэҕэ кэлим психологическай көмөнү оҥоруу. Ордук ыксаллаах быһыы-майгы кыһалҕаларын, байыаннай дьайыы содулларын көрсүбүт дьоҥҥо көмөнү оҥорууга болҕомто ууруллар. Психологическай киин улуус дьаһалтатын кытта тэрийбит тэрээһиннэрэ исписэлиистэри, олохтоохтору хабан ыытыллар. Миэстэтигэр маннык үлэ аныгы уопсастыбаҕа профессиональнай өйөбүл ирдэнэрин уонна наадалааҕын бигэргэтэр, — диэн этэр Анатолий Кузьмин.
Санатан эттэххэ, бөлөх үлэлэригэр, Дьокуускайга психолог көмөтүгэр бу нүөмэргэ эрийэн суруйтарыахха сөп: 8 (4112) 31-91-09 (үлэ чааһыгар). Бу нүөмэртэн ЯРПЦ улуустарга филиалларын нүөмэрдэрин ыйыталаһыахха сөп.
Сиһилии: https://www.sakha.gov.ru/news/44797
СӨ Ил Дарханын уонна Бырабыыталыстыбатын пресс-сулууспата
Өрөспүүбүлүкэ нэһилиэнньэлээх пууннара массыына кыһыҥҥы суола аһыллыар диэри ирдэнэр кээмэйдээх оттук-энэргэтиическэй саппааһынан олоччу хааччылыннылар. Бу…
«Күн бүгүн эрэгийиэн иһинээҕи көтүүлэри үбүлээһин өрөспүүбүлүкэ бүддьүөтүн суотугар эрэ ыытыллар. Бу сыалга 250 мөлүйүөн…
Арассыыйаҕа массыына атыылаһарга чэпчэтиилээх кирэдьииттээһин хас даҕаны судаарыстыбаннай бырагыраама үлэлиир. Ону туһанан саҥа массыынаны атыылаһыахха…
Бу күннэргэ Горнай улууһун Бэрдьигэстээх сэлиэнньэтин ыччаттара нэһилиэк сэбиэтэ тэриллибит күнүн бэлиэтээтилэр. Бу туһунан Бэрдьигэстээх…
Сэтинньи 4-6 күннэригэр Дьокуускайга Сомоҕолоһуу күнүгэр аналлаах норуот уус-уран оҥоһуктарыгар босхо маастар-кылаастары ыытыахтара. Тэрээһини «Мин…
Өлүөнэ муостатын тутар былаһааккаҕа өрүс флотун муус туруон иннинээҕи үлэтэ түмүктэннэ. Ааспыт сезон устата 20-чэ…