Бэрдьигэстээххэ Даниловтар ааттарынан сынньалаҥ паарката аһылынна

Бэҕэһээ  Бэрдьигэстээх күнүн көрсө Саха норуодунай суруйааччылара, Максим Горькай аатынан бириэмийэ лауреаттара, Саха норуотун духуобунай сайдыытыгар үгүс үтүөнү оҥорбут, өлбөт-сүппэт кылааты киллэрбит ини-бии Сэмэн уонна Соппуруон Даниловтар ааттарынан дьоҕус сынньалаҥ пааркатын үөрүүлээх аһыллыыта буолла.

Тутуу олохтоох дьаһалта тус сыаллаах бырагыраамаларга, ол иһигэр  «Эйгэ» архитектурнай бириэмийэ, «Уһук Илиҥҥэ 1000 тиэргэн» уонна олохтоох көҕүлээһиннэри өйүүр бырагыраама чэрчитинэн бырайыактарга кыттан ыытылынна. Бэдэрээтчиттэр  «Фастстрой» ХЭУо, урбаанньыт И.Трофимов,  «СахаЭнергоСтрой» ХЭУо.

Бөһүөлэк сайдарыгар улахан, күүстээх үлэ ыытыллан, олохтоохтор  сынньаналларыгар, спордунан дьарыктаналларыгар тренажердар, хачыаллар, олорор сирдэр турдулар. Бэрдьигэстээхпит көстүүтэ тупсан, киэркэйэн, нэһилиэнньэҕэ өссө биир туһалаах эбийиэк улууска биллэриллибит Тупсарыы сылыгар тутулунна диэн Горнай улууһун дьаһалтата иһитиннэрдэ.