Биллиилээх фольклорист Прокопий Ефремов төрөөбүтэ 90 сылын бэлиэтээтилэр

Бэҕэһээ, ахсынньы 7 күнүгэр, Арассыыйа Наукаларын Академиятын Сибиирдээҕи салаатын Гуманитарнай чинчийии уонна Хотугу аҕыйах ахсааннаах норуоттар проблемаларын институтугар биллиилээх фольклорист П.Е.Ефремов төрөөбүтэ 90 сылыгар аналлаах «төгүрүк остуол» буолан ааста.

Прокопий Елисеевич бу институтка 1963-1992 сс. үлэлээн ааспыта. Тэрээһиҥҥэ Прокопий Елисеевич биир дойдулаахтара, Бүлүү улууһун Үгүлээтиттэн, улахан дэлэгээссийэ кэлэн кыттыыны ылла. Ыраахтан кэлбит ыалдьыттары тэрилтэ салайааччыта Сардаана Боякова бэлиэ сылынан эҕэрдэлээтэ.  Нэһилиэк баһылыга Октябрь Лукин харда тылыгар норуот уус уран айымньытын хомуйааччы үтүө аатын үйэтитиигэ дойдутугар туох үлэ ыытылларын кэпсээтэ. П.Е.Ефремов туһунан кинигэ тахсыытыгар көмөлөһөр баҕалааҕын биллэрдэ уонна нэһилиэк туһунан тахсыбыт кинигэлэри бэлэхтээтэ. «Төгүрүк остуолга» биллиилээх учуонайдары сэргэ, эдэр чиничийээччилэр бэйэлэрин үлэлэринэн эмиэ кытыннылар. Салгыы тэрээһин кыттыылаахтара П.Е.Ефремов аатын үйэтитиигэ туох-ханнык үлэ ыытыллар былаанын торумнаатылар. Бэлиэ түгэни учуонай биир дойдулаахтара – араас көлүөнэр айар ансаамбыллара тупсаран-ситэрэн биэрдилэр.

Борис Гоголев.