Хаартыска: sakhagov.ru
Саха сиригэр өрөспүүбүлүкэтээҕи суоллар икки саҥардыллыбыт учаастагын — Дьокуускай куорат таһынааҕы Кангаласс микрооройуоҥҥа киирии суолу уонна Уус Алдан улууһугар «Бороҕон — Танда» диэн 10 килэмиэтирдээх суол учаастагын үлэҕэ киллэрдилэр. Бу үлэ дойду бэрэсидьиэнэ Владимир Путин көҕүлээбит «Олоххо аналлаах инфраструктура» национальнай бырайыак чэрчитинэн ыытылынна.
Кангаласс бөһүөлэгэр киирии суол 12,6 биэрэстэлээх хапытаалынай өрөмүөнэ 2025 сылтан икки түһүмэҕинэн барда. Аспаал-бетон суол устатын тухары таһырдьааҥҥы сырдатыы 179 тирэҕэ туруорулунна. Автобус тохтуур 12 павильоннаах тохтобул уонна массыына турар сирдэрэ оҥоһулуннулар.
Бырайыак чэрчитинэн, чугастааҕы нэһилиэнньэлээх пууннартан сүрүн трассаҕа тахсар холбоһуктаах 20 суол учаастага эмиэ хапытаалынайдык өрөмүөннэннэ.
Уус Алдан улууһугар «Бороҕон — Танда» өрөспүүбүлүкэтээҕи суолу түһүмэхтэринэн саҥардыы салҕанар. Быйыл бу суол 10 биэрэстэлээх учаастагар өрөмүөн болдьоҕун иннинэ бүттэ. Тутар хамыыһыйа толоруллубут үлэ хаачыстыбатын үчүгэйинэн сыаналаата.
Бу суол бастакы түөрт биэрэстэтин 2024 сылга «Куттала суох уонна хаачыстыбалаах суоллар» национальнай бырайыагынан өрөмүөннээбиттэрэ. 2027 сылга өссө 8,2 биэрэстэ суолу нуормаҕа эппиэттиир турукка аҕалар былааннаахтар.
Өрөспүүбүлүкэ нэһилиэнньэлээх пууннара массыына кыһыҥҥы суола аһыллыар диэри ирдэнэр кээмэйдээх оттук-энэргэтиическэй саппааһынан олоччу хааччылыннылар. Бу…
«Күн бүгүн эрэгийиэн иһинээҕи көтүүлэри үбүлээһин өрөспүүбүлүкэ бүддьүөтүн суотугар эрэ ыытыллар. Бу сыалга 250 мөлүйүөн…
Арассыыйаҕа массыына атыылаһарга чэпчэтиилээх кирэдьииттээһин хас даҕаны судаарыстыбаннай бырагыраама үлэлиир. Ону туһанан саҥа массыынаны атыылаһыахха…
Бу күннэргэ Горнай улууһун Бэрдьигэстээх сэлиэнньэтин ыччаттара нэһилиэк сэбиэтэ тэриллибит күнүн бэлиэтээтилэр. Бу туһунан Бэрдьигэстээх…
Сэтинньи 4-6 күннэригэр Дьокуускайга Сомоҕолоһуу күнүгэр аналлаах норуот уус-уран оҥоһуктарыгар босхо маастар-кылаастары ыытыахтара. Тэрээһини «Мин…
Өлүөнэ муостатын тутар былаһааккаҕа өрүс флотун муус туруон иннинээҕи үлэтэ түмүктэннэ. Ааспыт сезон устата 20-чэ…