Хаартыска: https://www.magnific.com
Бүгүн, алтынньы 19 күнүгэр, өрөспүүбүлүкэ улахан аҥаарыгар сөҥүүтэ суох күн-дьыл турара күүтүллэр. Өрөспүүбүлүкэ соҕуруу өттүгэр, Арктика кытылыгар уонна түүнүн Халымаҕа сорох сирдэринэн кыратык хаардыаҕа. Оттон Нерюгри оройуонугар хаар түһэрэ, сорох сиринэн күүстээх хаар түһэрэ сабаҕаланар.
Бу туһунан Саха сиринээҕи Гидрометеорология сулууспата иһитиннэрэр.
Тыала күүһэ ортотунан. Хоту сорох сирдэринэн тыал түргэнэ сөкүүндэҕэ 9–14 миэтэрэҕэ диэри, Арктика улуустарыгар 19–24 м/с, оттон хоту байҕал кытылыгар 25–28 м/с диэри күүһүрүөҕэ, тибиилээх буурҕа түһүөҕэ.
Салгын температурата түүнүн −5…−10°, халлаан былыта суох буоллаҕына−10…−15°, хотугулуу-арҕаа улуустарга −15…−20°, хотугулуу-илиҥҥи хайалардаах сирдэринэн −20…−25° тымныы буолуоҕа. Күнүһүн −4…+1°, хотугулуу-илин уонна Өлүөнэ алын тардыытынан −5…−10° кыраадыс буолара күүтүллэр.
Дьокуускай куоракка сөҥүүтэ суох, тыала хотугулуу-илинтэн сөкүүндэҕэ 2–7 миэтэрэ түргэннээх. Салгын температурата түүнүн −6…−8°, оттон күнүһүн −1…−3° буолара сабаҕаланар.
Өрөспүүбүлүкэ нэһилиэнньэлээх пууннара массыына кыһыҥҥы суола аһыллыар диэри ирдэнэр кээмэйдээх оттук-энэргэтиическэй саппааһынан олоччу хааччылыннылар. Бу…
«Күн бүгүн эрэгийиэн иһинээҕи көтүүлэри үбүлээһин өрөспүүбүлүкэ бүддьүөтүн суотугар эрэ ыытыллар. Бу сыалга 250 мөлүйүөн…
Арассыыйаҕа массыына атыылаһарга чэпчэтиилээх кирэдьииттээһин хас даҕаны судаарыстыбаннай бырагыраама үлэлиир. Ону туһанан саҥа массыынаны атыылаһыахха…
Бу күннэргэ Горнай улууһун Бэрдьигэстээх сэлиэнньэтин ыччаттара нэһилиэк сэбиэтэ тэриллибит күнүн бэлиэтээтилэр. Бу туһунан Бэрдьигэстээх…
Сэтинньи 4-6 күннэригэр Дьокуускайга Сомоҕолоһуу күнүгэр аналлаах норуот уус-уран оҥоһуктарыгар босхо маастар-кылаастары ыытыахтара. Тэрээһини «Мин…
Өлүөнэ муостатын тутар былаһааккаҕа өрүс флотун муус туруон иннинээҕи үлэтэ түмүктэннэ. Ааспыт сезон устата 20-чэ…