Хаартыска huntportal.ru саайтан
Саха сирин Бэрэсидьиэнин ыйааҕынан 2012 сыллаахха олохтоммут Булчут күнэ сыл аайы муус устар бастакы субуотатыгар бэлиэтэнэр. Ааспыт сыллар тухары бу бырааһынньык өрөспүүбүлүкэ муннуктарыгар барытыгар саамай ытыктанар тэрээһиннэртэн биирдэстэринэн буолар. Муус устар 3 күнүгэр Дьокуускайга Булчут күнүгэр аналлаах үөрүүлээх тэрээһин буолан ааста. Бу күн булт хаһаайыстыбатын салаатын бастыҥ бэрэстэбиитэллэрэ наҕараадалары туттулар.
Тэрээһиҥҥэ мустубут дьоҥҥо туһаайан, Ил Түмэн сир сыһыаннаһыыларыгар, айылҕа ресурсаларыгар уонна экологияҕа сис кэмитиэтин бэрэссэдээтэлэ Андрей Находкин өрөспүүбүлүкэҕэ Булчут күнэ — бу былыр-былыргыттан хотугу дойду олоҕун төрдө буолбут өбүгэбит төрүт дьарыгар ытыктабыл бэлиэтэ буоларын тоһоҕолоон бэлиэтээтэ.
«Саха киһитигэр булт — бу аһы-үөлү булунуу эрэ буолбатах, бу бүттүүн философия уонна эр санаа оскуолата. Ону таһынан, көлүөнэттэн көлүөнэҕэ бэриллэн иһэр билии-көрүү уонна айылҕаҕа харыстабыллаахтык сыһыаннаһыы ураты ситимэ буолар. Биһиэхэ, сокуону оҥорооччуларга, өрөспүүбүлүкэҕэ булт хаһаайыстыбата бигэ быраапка тайанара олус суолталаах. Ил Түмэн сэттис ыҥырыытын үлэтин кэмигэр дьокутааттар уонна бырабыыталыстыба көҕүлээһиннэринэн Саха сирин «Булт уонна булт ресурсаларын харыстааһын туһунан» сокуонугар хас даҕаны улахан суолталаах уларытыылар киллэрилиннилэр», — диэтэ кини.
Өрөспүүбүлүкэ Ил Дарханын уонна бырабыыталыстыбатын аатыттан мустубут дьону Булчут күнүнэн вице-премьер Ольга Балабкина эҕэрдэлээтэ.
«Ханнык баҕарар бигэ туруктаах дьиэ кэргэҥҥэ уол оҕо — кэлэр өттүгэр эр киһи уонна булчут — төрүөҕүттэн булду өйдөөн, иҥэринэн саҕалыыр. Эһигиттэн хас биирдиигит эһээтэ, аҕата эбэтэр убайа илдьэ тахсыбыт бастакы булдун үчүгэйдик өйдүүр. Ол кэмтэн ыла эһиги хайдах булчут буолар туһунан бастакы билиигитин ылбыккыт. Төрөөбүт айылҕаҕытын харыстыыр уонна өрөспүүбүлүкэ дьиҥнээх патриота буолар кыаҕы, быраабы ылбыккыт», — диэтэ Ольга Балабкина.
Үөрүүлээх тэрээһин кэмигэр Саха сиринээҕи булт хаһаайыстыбатын салаатын бастыҥ бэрэстэбиитэллэригэр кырааматао, махтал суруктар уонна туйгун бэлиэлэр туттарылыннылар.
Өрөспүүбүлүкэ нэһилиэнньэлээх пууннара массыына кыһыҥҥы суола аһыллыар диэри ирдэнэр кээмэйдээх оттук-энэргэтиическэй саппааһынан олоччу хааччылыннылар. Бу…
«Күн бүгүн эрэгийиэн иһинээҕи көтүүлэри үбүлээһин өрөспүүбүлүкэ бүддьүөтүн суотугар эрэ ыытыллар. Бу сыалга 250 мөлүйүөн…
Арассыыйаҕа массыына атыылаһарга чэпчэтиилээх кирэдьииттээһин хас даҕаны судаарыстыбаннай бырагыраама үлэлиир. Ону туһанан саҥа массыынаны атыылаһыахха…
Бу күннэргэ Горнай улууһун Бэрдьигэстээх сэлиэнньэтин ыччаттара нэһилиэк сэбиэтэ тэриллибит күнүн бэлиэтээтилэр. Бу туһунан Бэрдьигэстээх…
Сэтинньи 4-6 күннэригэр Дьокуускайга Сомоҕолоһуу күнүгэр аналлаах норуот уус-уран оҥоһуктарыгар босхо маастар-кылаастары ыытыахтара. Тэрээһини «Мин…
Өлүөнэ муостатын тутар былаһааккаҕа өрүс флотун муус туруон иннинээҕи үлэтэ түмүктэннэ. Ааспыт сезон устата 20-чэ…