СахаГов.ру
«Аҕа дойдуну көмүскээччилэр» пуонда өйөбүлүнэн Бүлүү улууһун Анал байыаннай дьайыытын бэтэрээнэ Еремей Ермолаев эйэлээх олоххо, бэйэтин сөбүлүүр идэтигэр ситиһиилээхтик төнүннэ. Кини билигин «Бүлүү – Чочу – Кыадаҥда – Бүлүү» маршрукка оптуобус суоппарынан үлэлиир.
Суоппар быһыытынан 40-тан тахса сыл үлэлээбит Еремей урбаанньыт буоларыгар көмө көрдөөн пуондаҕа тиийбит. Пуонда социальнай координатора Ньургуяна Платонова наадалаах докумуоннары хомуйарыгар, оттон Бизнес-инкубатор исписэлиистэрэ сүбэ-ама биэрэн көмөлөспүттэр. Бу өйөбүл түмүгүнэн бэтэрээн социальнай хантараак түһэрсэр кыахтаммыт, улуус дьаһалтатыттан ПАЗ оптуобуһу ылбыт уонна көрүллүбүт үбүнэн массыынатын өрөмүөннээн, көрөн-истэн үлэҕэ бэлэмнээбит. Билигин Еремей күн аайы уонна субуотаҕа үстүү рейс оҥорон, ыраах сытар нэһилиэктэр олохтоохторун улуус киинин кытта ситимниир.
«Санаам сиппититтэн олус үөрэбин. Оптуобуһу ыытарбын сөбүлүүбүн — мин сатыыр дьыалам. Социальнай координатордарга уонна пуонда филиалыгар мэлдьи өйүүллэрин иһин махтанабын. Билигин дьоҥҥо туһалаах уонна бэйэм сөбүлүүр үлэм үтүө түмүгүн көрөбүн», — диэн кини бэлиэтиир.
Фроҥҥа Еремей Ермолаев («Дед» позывнойдаах) разведка батальонугар эвакуациялыыр массыына суоппарынан сулууспалаабыта. Өстөөх сириттэн бааһырбыт саллааттары таһаарара, алдьаммыт тиэхиньикэни чөлүгэр түһэрэргэ көмөлөһөрө. Хорсун быһыытын иһин кини «За боевые отличия», «За спасение погибающих» уонна «Участник СВО» мэтээллэринэн наҕараадаламмыта.
Эйэлээх олоххо төннөн баран, бэтэрээн улуус уопсастыбаннай олоҕор көхтөөхтүк кыттар. Оскуолаларга уонна оҕо дьиэтигэр хорсун быһыы уруоктарын ыытар, ону тэҥэ успуордунан дьарыктанар. 2025 сыл сэтинньитигэр Бүлүүгэ буолбут успуорт бэстибээлигэр буулдьанан ытыыга кыайыылааҕынан тахсыбыта уонна улуус хамаандатын састаабыгар өрөспүүбүлүкэтээҕи күрэхтэһиилэргэ кыттыбыта.
Маннык социальнай адаптацияны ааһыы АБДь кыттыылаахтарыгар эйэлээх олоххо ситиһиилээхтик төннөллөрүгэр эрэ буолбакка, бэйэлэрин үлэлэринэн төрөөбүт дойдуларын сайыннаралларыгар улахан кыаҕы биэрэр.
Өрөспүүбүлүкэ нэһилиэнньэлээх пууннара массыына кыһыҥҥы суола аһыллыар диэри ирдэнэр кээмэйдээх оттук-энэргэтиическэй саппааһынан олоччу хааччылыннылар. Бу…
«Күн бүгүн эрэгийиэн иһинээҕи көтүүлэри үбүлээһин өрөспүүбүлүкэ бүддьүөтүн суотугар эрэ ыытыллар. Бу сыалга 250 мөлүйүөн…
Арассыыйаҕа массыына атыылаһарга чэпчэтиилээх кирэдьииттээһин хас даҕаны судаарыстыбаннай бырагыраама үлэлиир. Ону туһанан саҥа массыынаны атыылаһыахха…
Бу күннэргэ Горнай улууһун Бэрдьигэстээх сэлиэнньэтин ыччаттара нэһилиэк сэбиэтэ тэриллибит күнүн бэлиэтээтилэр. Бу туһунан Бэрдьигэстээх…
Сэтинньи 4-6 күннэригэр Дьокуускайга Сомоҕолоһуу күнүгэр аналлаах норуот уус-уран оҥоһуктарыгар босхо маастар-кылаастары ыытыахтара. Тэрээһини «Мин…
Өлүөнэ муостатын тутар былаһааккаҕа өрүс флотун муус туруон иннинээҕи үлэтэ түмүктэннэ. Ааспыт сезон устата 20-чэ…