Андрей Сорокин хаартыскаҕа түһэриитэ
Бүлүү куоратыгар улуустааҕы балыыһа комплексын иккис уочаратын — саҥа эмтиир куорпус үөрүүлээх аһыллыыта буолла.
Түөрт тыһ. кв.м. иэннээх үс мэндиэмэннээх таас дьиэ РФ Бэрэсидьиэнэ Владимир Путин сорудаҕынан «Уһун уонна көхтөөх олох» национальнай бырайыак чэрчитинэн тутулунна. Комплекс бастакы уочарата үс сыл анараа өттүгэр үлэҕэ киирбитэ.
Бу үөрүүлээх күнүнэн Бүлүү олохтоохторун Ил Дархан Айсен Николаев эҕэрдэлээтэ. Кини тутууну үбүлээһиҥҥэ, тэрийиигэ төһө да уустуктардаах буолбутун иһин, үлэни ситиһиилээхтик түмүктээбиттэригэр махтанна.
—РФ Бэрэсидьиэнэ В.В.Путин көҕүлээбит уонна «Биир ньыгыл Арассыыйа» баартыйа көхтөөхтүк өйүүр национальнай бырайыактарын чэрчитинэн, бүгүн өрөспүүбүлүкэҕэ доруобуйа харыстабылын 120-с эбийиэгэ үлэҕэ киирэр. Бу сүҥкэн үлэ. Дьокуускайга SMART-поликлиника, Аммаҕа поликлиника, Нам улууһугар эмтиир куорпус, саҥа амбулаториялар уонна биэлсэр-акушер пууннара тутуллубуттара. Бүгүн Бүлүү киин балыыһатын иккис уочаратын үлэҕэ киллэрэбит. Ити биһиги дойдубутугар, өрөспүүбүлүкэбитигэр доруобуйа харыстабылыгар болҕомто уурулларын көрдөрөр. Маннык аныгы комплекс дьон олоҕун хаачыстыбатын лаппа үрдэтиэ диэн эрэнэбин, — диэн Айсен Николаев бэлиэтээтэ.
Сиһилии: https://www.sakha.gov.ru/news/46220
СӨ Ил Дарханын уонна Бырабыыталыстыбатын пресс-сулууспата
Андрей Сорокин хаартыскаҕа түһэриитэ, ЯСИА
Өрөспүүбүлүкэ нэһилиэнньэлээх пууннара массыына кыһыҥҥы суола аһыллыар диэри ирдэнэр кээмэйдээх оттук-энэргэтиическэй саппааһынан олоччу хааччылыннылар. Бу…
«Күн бүгүн эрэгийиэн иһинээҕи көтүүлэри үбүлээһин өрөспүүбүлүкэ бүддьүөтүн суотугар эрэ ыытыллар. Бу сыалга 250 мөлүйүөн…
Арассыыйаҕа массыына атыылаһарга чэпчэтиилээх кирэдьииттээһин хас даҕаны судаарыстыбаннай бырагыраама үлэлиир. Ону туһанан саҥа массыынаны атыылаһыахха…
Бу күннэргэ Горнай улууһун Бэрдьигэстээх сэлиэнньэтин ыччаттара нэһилиэк сэбиэтэ тэриллибит күнүн бэлиэтээтилэр. Бу туһунан Бэрдьигэстээх…
Сэтинньи 4-6 күннэригэр Дьокуускайга Сомоҕолоһуу күнүгэр аналлаах норуот уус-уран оҥоһуктарыгар босхо маастар-кылаастары ыытыахтара. Тэрээһини «Мин…
Өлүөнэ муостатын тутар былаһааккаҕа өрүс флотун муус туруон иннинээҕи үлэтэ түмүктэннэ. Ааспыт сезон устата 20-чэ…