Хаартыска: ИДьМ МАХ-ханаалыттан.
ИДьМ үлэһиттэрэ ыыппыт тэрээһиннэрин түмүгэр, чааһынай дьиэлэртэн хас да уорууга уорбаланар дьону быһаарбыттар. Бу урут сууттана сылдьыбыт 32 саастаах эр киһи, кини 42 саастаах убайа уонна кинилэр 46 саастаах билэр киһилэрэ буолар.
Бастаан ыытыллыбыт чинчийии көрдөрбүтүнэн, 32 саастаах буруйдаах киһи убайын кытта куорат кытыытыгар баар чааһынай дьиэ аттынан ааһан испиттэр. Учаастак күрүөлэммэтэҕин, чугаһынан ыал суоҕун, хаһаайыттар дьиэлэригэр суохтарын бэлиэтии көрбүттэр. Уорбаланааччылар ааны луомунан алдьатан дьиэ иһигэр киирбиттэр. Уорбут үстүрүмүөннэрин, портативнай гарааһы уонна массыына көлүөһэлэрин массыыналарыгар тиэйэн баран куоппуттар.
Иккиһин 32 саастаах уорбаланааччы эмиэ ити курдук уорбут. Бу сырыыга киниэхэ билэр киһитэ көмөлөспүт. Ыалдьыттары көрсөргө аналлаах харабыла суох дьиэттэн буруйдаахтар холодильнигы, тэлэбиисэри, остуолга ууруллар билиитэни, уотунан үлэлиир чаанньыгы, портативнай колонканы, роутеры, түннүк сабыыларын, сиэркилэни, утуйар таҥаһы, гирлянданы уонна иһити-хомуоһу уорбуттар.
Уопсай хоромньу суумата 200 тыһ. солк. тэҥнэспит. Уорбут малларын бэйэлэригэр хаалларбыттар, сороҕун атыылаабыттар, оттон сорох маллары билэр дьонноругар бэлэхтээбиттэр.
Холуобунай кодекс 158 ыст. 3 ч. («Уоруу») холуобунай дьыала тэриллибит. Ити ыстатыйанан уорбаланааччылар 6 сылга диэри көҥүллэрэ быһыллыан сөп. Бу туһунан ИДьМ МАХ-ханаалыгар суруйаллар.
Өрөспүүбүлүкэ нэһилиэнньэлээх пууннара массыына кыһыҥҥы суола аһыллыар диэри ирдэнэр кээмэйдээх оттук-энэргэтиическэй саппааһынан олоччу хааччылыннылар. Бу…
«Күн бүгүн эрэгийиэн иһинээҕи көтүүлэри үбүлээһин өрөспүүбүлүкэ бүддьүөтүн суотугар эрэ ыытыллар. Бу сыалга 250 мөлүйүөн…
Арассыыйаҕа массыына атыылаһарга чэпчэтиилээх кирэдьииттээһин хас даҕаны судаарыстыбаннай бырагыраама үлэлиир. Ону туһанан саҥа массыынаны атыылаһыахха…
Бу күннэргэ Горнай улууһун Бэрдьигэстээх сэлиэнньэтин ыччаттара нэһилиэк сэбиэтэ тэриллибит күнүн бэлиэтээтилэр. Бу туһунан Бэрдьигэстээх…
Сэтинньи 4-6 күннэригэр Дьокуускайга Сомоҕолоһуу күнүгэр аналлаах норуот уус-уран оҥоһуктарыгар босхо маастар-кылаастары ыытыахтара. Тэрээһини «Мин…
Өлүөнэ муостатын тутар былаһааккаҕа өрүс флотун муус туруон иннинээҕи үлэтэ түмүктэннэ. Ааспыт сезон устата 20-чэ…