Чагдаҕа “Тускул cinema»  киинэ саалата үөрүүлээхтик аһылынна

Бэҕэһээ, алтынньы 4 күнүгэр, Кэбээйи улууһун Чагда бөһүөлэгэр А.С. Борисов аатынан “Тускул” култуура сайдыытын киинигэр «Тускул cinema»  киинэ саалата үөрүүлээхтик аһылынна.

“Бу күн Саха Өрөспүүбүлүкэтин Ил Дархана кыттыылаах Сахабыт сирин араас муннуктарыгар 40 киинэ саалатын куйаар ситимин нөҥүө арыйыы үөрүүлээх түгэнэ  буолла. Нэһилиэк олохтоохторо “Золотой ворон” аан дойдутааҕы киинэ бэстибээлин гран-притын хаһаайына Михаил Лукачевскай “Кыталыктаах кырдалым” киинэни  долгуйа көрдүбүт. Үөрүүлээх түгэҥҥэ нэһилиэк олохтоохторо оҕотуттан аҕам саастаахтарыгар диэри сырыттылар. Дьэ, мантан антах бэйэбит кулууппутугар киинэни көрөр буолуохпут диэн дьон-сэргэ олус үөрдүлэр”, — диэн кэпсээтэ култуура сайдыытын киинин уус-уран салайааччыта Альбина Ноговицына.