Хаартыска sakha.gov.
Бүгүн, атырдьах ыйын 7 күнүгэр, Дьааҥы оройуонугар сайыҥҥы халаантан эмсэҕэлээбит нэһилиэнньэлээх пууннарга уочараттаах гуманитарнай көмөнү ыытыы былааннанар. ЫБММ Ми-8 бөртөлүөтэ көтүөҕэ. Бу туһунан гражданскай оборона дьыалаларыгар уонна нэһилиэнньэ олоҕор-дьаһаҕар куттал суох буолуутун хааччыйыыга миниистирэ Дмитрий Лепчиков иһитиннэрдэ.
«Дьааҥы оройуонугар 26 туонна таһаҕас тиэрдиллибитэ, ол иһигэр бытыылкалаах ыраас уу, ас-үөл, мал-сал, мотопомпалар уонна электрогенератордар», — диэтэ Дмитрий Лепчиков.
Дьааҥы улууһа сайыҥҥы халаантан ордук эмсэҕэлээбит сиринэн буолар. Манна аҕыс нэһилиэнньэлээх пууҥҥа уу киирбитэ. Билигин кинилэр бары ууттан босхолоннулар, халаан содулун туоратыы үлэтэ салҕанар.
«Чөлүгэр түһэрэр үлэ кэмигэр нэһилиэнньэлээх пууннарга ууга барбыт сиртэн Дьокуускай куорат чэбдигирдэр лааҕырдарыгар 64 оҕону ыыппыттара», — диэн миниистир бэлиэтээтэ.
Дмитрий Лепчиков эппитинэн, Саха сиригэр халаан муҥутуур чыпчаала ааспыт. Урут ууга барбыт нэһилиэнньэлээх пууннар бары ууттан босхоломмуттар. Өлүөнэ, Индигир, Бүлүү уонна Дьааҥы өрүстэргэ уу таһыма кутталлаах бэлиэлэртэн аллараа түстэ
Сиһилии: https://www.sakha.gov.ru/news/58928
Өрөспүүбүлүкэ нэһилиэнньэлээх пууннара массыына кыһыҥҥы суола аһыллыар диэри ирдэнэр кээмэйдээх оттук-энэргэтиическэй саппааһынан олоччу хааччылыннылар. Бу…
«Күн бүгүн эрэгийиэн иһинээҕи көтүүлэри үбүлээһин өрөспүүбүлүкэ бүддьүөтүн суотугар эрэ ыытыллар. Бу сыалга 250 мөлүйүөн…
Арассыыйаҕа массыына атыылаһарга чэпчэтиилээх кирэдьииттээһин хас даҕаны судаарыстыбаннай бырагыраама үлэлиир. Ону туһанан саҥа массыынаны атыылаһыахха…
Бу күннэргэ Горнай улууһун Бэрдьигэстээх сэлиэнньэтин ыччаттара нэһилиэк сэбиэтэ тэриллибит күнүн бэлиэтээтилэр. Бу туһунан Бэрдьигэстээх…
Сэтинньи 4-6 күннэригэр Дьокуускайга Сомоҕолоһуу күнүгэр аналлаах норуот уус-уран оҥоһуктарыгар босхо маастар-кылаастары ыытыахтара. Тэрээһини «Мин…
Өлүөнэ муостатын тутар былаһааккаҕа өрүс флотун муус туруон иннинээҕи үлэтэ түмүктэннэ. Ааспыт сезон устата 20-чэ…