Хаартыска: МАХ
РФ Куттал суох буолуутун Сэбиэтин 2026 сыл от ыйын 28 күнүгэр ыытыллыбыт сэбилэниилээх күүстэри хантараак түһэрсэр байыаннайдарынан хааччыйыы мунньаҕар Куттал суох буолуутун Сэбиэтин бэрэссэдээтэлин солбуйааччы Дмитрий Медведев Рф Сэбилэниилээх Күүстэрэ киһитин ахсаанынан толору хааччыллыылааҕынан, Арассыыйаҕа мобилизацияны ыытар ханнык да төрүөт суоҕун туһунан официальнайдык эттэ.
“Быйылгы сыл бастакы аҥарыгар 200-чэкэ тыһ. киһи Арассыыйа Сэбилэниилээх күүстэрин кытта байыаннай сулууспаны барарга хантараак түһэристэ. Өссө 16 тыһ. киһи доброволецтар кэккэлэригэр киирэн, байыаннай дьайыы буола турар сиригэр барда. 40 тыһыынча кэриҥэ байыаннай сулууспалаах тэтимнээхтик сайда турар пилота суох систиэмэлэргэ (БПЛА) киирдилэр. От ыйыгар комплектование тэтимэ уруккутунан турар”, — диэтэ.
Медведев саҥа мобилизация ыытылларын туһунан сурахтары “албын провокация”, “өстөөх сымыйа сураҕы тарҕата сатыыр” диэн сорунуулаахтык утарда.
“Бу барыта быыбар иннинээҕи пропаганда сорҕото. Маннык гынан кинилэр балаһыанньаны ыһа, аймыы сатыыллар”, — диэн тоһоҕолоон эттэ. -Мобилизация ыытылларыгар ханнык да төрүөт суох. Өстөөх бэйэтин дьоно тиийбэт буолан, араастаан албынныырыгар эрэ тиийэр”.
Медведев маны таһынан «Не жди мобилизации, иди служить за деньги» курдук публикацияларга болҕомтотун уурда. Маннык төлөбүрдээх суруктары ыытан, дьону хантараакка илии баттата сатыылларын эттэ.
Дьон дьиҥнээх балаһыанньаны билэрин туһугар быһааран, өйдөтөн биэрэр үлэнэн боломуочуйалаах бэрэстэбиитэллэр, эрэгийиэннэр баһылыктара, оборуона министиэристибэтин, атын да тэрилтэлэр бэрэстэбиитэллэрэ, о.д.а. дьарыктаныахтаахтар диэтэ.
Дмитрий Медведев хантараак түһэрсэн барар дьону дьиҥнээх патриоттарынан ааттаан туран махтанна.
Өрөспүүбүлүкэ нэһилиэнньэлээх пууннара массыына кыһыҥҥы суола аһыллыар диэри ирдэнэр кээмэйдээх оттук-энэргэтиическэй саппааһынан олоччу хааччылыннылар. Бу…
«Күн бүгүн эрэгийиэн иһинээҕи көтүүлэри үбүлээһин өрөспүүбүлүкэ бүддьүөтүн суотугар эрэ ыытыллар. Бу сыалга 250 мөлүйүөн…
Арассыыйаҕа массыына атыылаһарга чэпчэтиилээх кирэдьииттээһин хас даҕаны судаарыстыбаннай бырагыраама үлэлиир. Ону туһанан саҥа массыынаны атыылаһыахха…
Бу күннэргэ Горнай улууһун Бэрдьигэстээх сэлиэнньэтин ыччаттара нэһилиэк сэбиэтэ тэриллибит күнүн бэлиэтээтилэр. Бу туһунан Бэрдьигэстээх…
Сэтинньи 4-6 күннэригэр Дьокуускайга Сомоҕолоһуу күнүгэр аналлаах норуот уус-уран оҥоһуктарыгар босхо маастар-кылаастары ыытыахтара. Тэрээһини «Мин…
Өлүөнэ муостатын тутар былаһааккаҕа өрүс флотун муус туруон иннинээҕи үлэтэ түмүктэннэ. Ааспыт сезон устата 20-чэ…