Дьокуускайга «маассабай» охсуһууну күөртээбит дьону туттулар

Бөлүүн түүн Дьокуускай куорат  Бестужев-Марлинскай  аатынан уулуссаҕа  баар түүҥҥү кулуупка эр дьон  кыттыылаах «маассабай» охсуһуу  буолбут.

Кулууп администратора суһал кунуопканы баттаан, Росгвардия үлэһиттэрин ыҥырбыт. Росгвардия үлэһиттэрэ кэлбиттэрин көрөн охсуһууну күөртээбит дьон «Тойота-Камри» массыынанан куота сатаабыттар. Ол эрээри сотору кэминэн тутуллубуттар. Полиция салаатыгар биэс эр киһини тутан аҕалбыттар.