Хаартыскалар: СӨ Норуоттар доҕордоһууларын дьиэтэ; СӨ Тас сибээскэ уонна норуоттар дьыалаларыгар министиэристибэтэ
Арассыыйаҕа Норуоттарын сомоҕолоһууларын сылыгар анаммыт «Успуорт норуоттары түмэр» өрөспүүбүлүкэтээҕи норуоттар икки ардыларынааҕы футбол турнира Дьокуускайга Н.Н. Тарскай аатынан «Туймаада» стадионугар буолан ааста. Күрэхтэһиигэ өрөспүүбүлүкэ үс култуура түмсүүлэрин хамаандалара кытыннылар.
«Биһиги министиэристибэбит норуоттар сомоҕолоһоллорун, бары Саха сирин халлаанын анныгар эйэлээхтик олороллорун туһугар көхтөөхтүк үлэлиир. Бүгүҥҥү турнир — күрэхтэһии эрэ буолбакка, дойдубут Бэрэсидьиэнэ биллэрбит Норуоттар сомоҕолоһууларын сылыгар анаммыт улахан тэрээһининэн буолар», — диэн эттэ Саха сирин тас сибээскэ уонна норуоттар дьыалаларыгар миниистирин бастакы солбуйааччыта Сергей Хатылыков.
Турнир кыттыылаахтарын ону тэҥэ Саха сирин физическэй култуураҕа уонна успуорка миниистирин бастакы солбуйааччыта Гаврил Мохначевскай уонна боксаҕа Европа икки төгүллээх чөмпүйүөнэ, аан дойду чөмпүйэнээтин үрүҥ көмүс призера, Арассыыйа биэс төгүллээх чөмпүйүөнэ Василий Егоров эҕэрдэлээтилэр.
Турнирга Саха Өрөспүүбүлүкэтээҕи Киргизтэр конгрестарын, өрөспүүбүлүкэ Узбектарын култууратын киинин уонна Саха сиринээҕи Таджиктар сойуустарын хамаандалара кытыннылар. Бастакы миэстэни Киргизтэр конгрестарын хамаандата, иккис миэстэни — Узбектар култуураларын киинэ, үһүс миэстэни — Таджиктар сойуустара ыллылар. Кыайыылаахтарга уонна бириистээх миэстэни ылбыттарга куубактары уонна мэтээллэри туттардылар.
Кыайыылаах хамаанда капитана Даниель Каназаров бэлиэтээбитинэн, кэлэктиипкэ уонтан тахса сыл иһигэр бастакы кыайыылара буолар. Кини этэринэн, маннык күрэхтэһиилэр араас омук бэрэстэбиитэллэрэ бэйэ-бэйэлэрин ордук билсэллэригэр уонна доҕордоһуу ситимэ бөҕөргүүрүгэр көмөлөһөллөр.
Күрэхтэһиини Саха сирин Физическэй култуураҕа уонна успуорка министиэристибэтэ, өрөспүүбүлүкэ Тас сибээскэ уонна норуоттар дьыалаларыгар министиэристибэтэ, А.Е. Кулаковскай аатынан Норуоттар доҕордоһууларын дьиэтэ уонна Арассыыйа норуоттарын Ассамблеятын эрэгийиэннээҕи салаата тэрийдилэр.
Норуоттар икки ардыларынааҕы турниры ыытыы Саха сиригэр олорор омуктар түмсүүлээх, эйэлээх буолууларын бөҕөргөтүүгэ баран эрэр үлэ биир сорҕото буолла. Спорт тэрээһиннэрэ араас наассыйа бэрэстэбиитэллэрэ алтыһалларыгар табыгастаах усулуобуйаны тэрийэллэр уонна ыаллыы үтүө сыһыан сайдарыгар көмөлөһөллөр.
Сиһилии: https://www.sakha.gov.ru/news/59625
Өрөспүүбүлүкэ нэһилиэнньэлээх пууннара массыына кыһыҥҥы суола аһыллыар диэри ирдэнэр кээмэйдээх оттук-энэргэтиическэй саппааһынан олоччу хааччылыннылар. Бу…
«Күн бүгүн эрэгийиэн иһинээҕи көтүүлэри үбүлээһин өрөспүүбүлүкэ бүддьүөтүн суотугар эрэ ыытыллар. Бу сыалга 250 мөлүйүөн…
Арассыыйаҕа массыына атыылаһарга чэпчэтиилээх кирэдьииттээһин хас даҕаны судаарыстыбаннай бырагыраама үлэлиир. Ону туһанан саҥа массыынаны атыылаһыахха…
Бу күннэргэ Горнай улууһун Бэрдьигэстээх сэлиэнньэтин ыччаттара нэһилиэк сэбиэтэ тэриллибит күнүн бэлиэтээтилэр. Бу туһунан Бэрдьигэстээх…
Сэтинньи 4-6 күннэригэр Дьокуускайга Сомоҕолоһуу күнүгэр аналлаах норуот уус-уран оҥоһуктарыгар босхо маастар-кылаастары ыытыахтара. Тэрээһини «Мин…
Өлүөнэ муостатын тутар былаһааккаҕа өрүс флотун муус туруон иннинээҕи үлэтэ түмүктэннэ. Ааспыт сезон устата 20-чэ…