Дьокуускайга оҕолорго арыгы атыылааһын тохтообот

Ааспыт сууккаҕа Дьокуускай куорат полициятын учаастактааҕы боломуочунайдара сокуоннай сааһын ситэ илик оҕолорго арыгыны атыылааһын биэс чахчытын арыйдылар.

Ону таһынан киин куорат Билибин, Жорницкай,  Хабаров уулуссалар Михаил Николаев проспегар, уонна Маҕан трассатыгар бородуукта маҕаһыыннарын атыыһыттара киэһэ 20:00 чаас кэннэ арыгыны атыылыыллара быһаарылынна.

Арыгы бородууксуйата былдьанна. Сокуону кэһээччилэргэ административнай боротокуол оҥоһулунна. Полицейскайдар арыгыны эргинии эйгэтигэр сокуону кэһии чахчыларын сэрэтиигэ, булууга уонна туоратыыга профилактическай рейдэлэрэ салҕанар. Бу туһунан ИДьМ пресс-сулууспата биллэрэр.