Дьокуускайга оһоҕос инфекциятынан сибээстээн, чинчийии ыытыллар

Дьокуускайга оһоҕос инфекциятын туһунан иһитиннэриилэр киирбиттэринэн, суһаллык эпидемиологическай чинчийии ыытыллар.

СӨ Роспотребнадзор управлениетыгар суши астаан тириэрдэр сулууспаттан атыылаһыллыбыт роллы (сушины) сиэбит дьоҥҥо, кишечнай инфекция сибикилэрэ баалларын туһунан от ыйын 27 күнүгэр 12 суһал иһитиннэрии киирбитэ. Ыалдьыбыт дьон от ыйын 23-25 күннэригэр атыылаһан сиэбиттэрэ биллибитэ.

Роспотребнадзор исписэлиистэрэ суһаллык эбийиэккэ тиийэн, эпидемияны утары дьаһаллары ыыттылар, лабораторияҕа чинчийэргэ биологическай матырыйааллары ыллылар. Онон, суши оҥорор сулууспа үлэтэ быстах кэмҥэ тохтотулунна.

Оһоҕос инфекцията өрө турбут төрүөтэ быһаарыллыаҕа. Ол курдук, управление урбаанньыт үлэтигэр бэрэбиэркэни саҕалаата.

Балаһыанньа хонтуруолланар.