Дьокуускайга полиция үлэһиттэрэ тутуу былаһааккатыттан уоруу тахсыбытын арыйдылар

Дьокуускай куорат полициятын отделыгар икки тутуу хампаанньатын бэрэстэбиитэллэриттэн тутуу былаһааккатыттан уоруу тахсыбытын туһунан сайабылыанньалар киирбиттэр. Бу туһунан СӨ ИДьМ пресс-сулууспата суруйар.

Бастакы түгэҥҥэ 30 устуука көтөрүллүбүт тимир турбаны уорбуттар, иккискэ — 11 ититии резисторын илдьэ барбыттар. Хоромньу уопсай суумата 220 тыһыынчаттан тахса солкуобай буолбут.

Суһал-ирдиир дьаһалларынан ИДьМ холуобунай ирдэбилин управлениетын үлэһиттэрэ уорбаланааччы лиичинэһин быһаарбыттар. Уорбаланааччы урут сууттана сылдьыбыт 31 саастаах эр киһи буолара биллибит.

Силиэстийэ быһаарбытынан, «ПАЗ» оптуобус суоппара тутуу үлэтэ барар сирдэринэн тутуу матырыйаалларын бэлиэтии көрбүт. Салгыы хара санаалаах эр киһи табыгастаах түгэни кэтэһэн баран,  тимир тутуу матырыйаалларын уорбут уонна атыылаабыт. Уорбаланааччы атыылаан ылбыт харчынан арыгы атыыласпыт. РФ ХК холуобунай дьыала тэрилиннэ.