Хаартыска: ЯСИА.
Дьокуускайга үрдүк үөрэхтэр икки ардыларынааҕы кампус тутары былаанныылларын туһунан икки-үс сылтан бэттэх иһиллэр. Кампус тутуутугар куонкуруска сайаапканы биэрбиттэр.
СӨ бырабыыталыстыбатын бэрэссэдээтэлин солбуйааччы Анатолий Семенов:
— РФ билимин уонна үрдүк үөрэҕин миниистирин солбуйааччы Андрей Владимирович Омельчугу кытта көрүстүм. Дьокуускайга үрдүк үөрэхтэр кампустарын тэрийэргэ куонкуруска кыттарга сайаапка бэрилиннэ. Икки сыл устата улахан үлэ оҥоһулунна. Үрдүк үөрэхтэри, индустриальнай бииргэ үлэлэһэр тэилтэлэри, билим институттарын, араас таһымнаах судаарыстыбаннай былаас уорганнарын кытта уонтан тахса стратегическай сиэссийэни ыыттыбыт. Сир учаастага көрүлүннэ, эскиз бырайыага оҥоһулунна, үпкэ мадьыала түмүлүннэ уонна ВЭБ.РФ экспэртиисэтэ ааста, кампус кэнсиэпсийэтэ сурулунна, манна кыттар үрдүк үөрэхтэр быһаарылыннылар, “Николаев университет” АНО тэрилиннэ. Бу үлэ сорох чааһа эрэ буолар.
Дьокуускайга тутуллуохтаах кампус чопчу сыала-соруга баар. Кампус Саха сиригэр эрэ буолбакка, бүтүн дойду Хотугулуу-Илиҥҥи өртүгэр билими, үөрэх сайдыытын хамсааһынынан буолуоҕа.
Кампус тутулла илик, ол эрээри, ол үлэтин ухханыгар биһиги билим, үрдүкү оскуола сайдыытыгар сыал-сорук туруоран үлэлиир идэлэригэр сатабыллаах хамаанданы түмтүбүт. Аан дойдуга инники күөҥҥэ сылдьар уопуттарын, MIT уонна Tsinghua курдук бастыҥ үрдүк үөрэхтэри туһанныбыт. Устудьуоннарга, аспираннарга, учуонайдарга, преподавателлэргэ анаан бастыҥ усулуобуйаны тэрийиэхпит. Билим уонна үөрэх эрэ нөҥүө дойдубутун сайыннарар кыахтаахпыт, — диэн тус МАХка ханаалыгар суруйуутугар сигэнэн Үөрэх уонна билим министиэристибэтэ иһитиннэрэр.
Өрөспүүбүлүкэ нэһилиэнньэлээх пууннара массыына кыһыҥҥы суола аһыллыар диэри ирдэнэр кээмэйдээх оттук-энэргэтиическэй саппааһынан олоччу хааччылыннылар. Бу…
«Күн бүгүн эрэгийиэн иһинээҕи көтүүлэри үбүлээһин өрөспүүбүлүкэ бүддьүөтүн суотугар эрэ ыытыллар. Бу сыалга 250 мөлүйүөн…
Арассыыйаҕа массыына атыылаһарга чэпчэтиилээх кирэдьииттээһин хас даҕаны судаарыстыбаннай бырагыраама үлэлиир. Ону туһанан саҥа массыынаны атыылаһыахха…
Бу күннэргэ Горнай улууһун Бэрдьигэстээх сэлиэнньэтин ыччаттара нэһилиэк сэбиэтэ тэриллибит күнүн бэлиэтээтилэр. Бу туһунан Бэрдьигэстээх…
Сэтинньи 4-6 күннэригэр Дьокуускайга Сомоҕолоһуу күнүгэр аналлаах норуот уус-уран оҥоһуктарыгар босхо маастар-кылаастары ыытыахтара. Тэрээһини «Мин…
Өлүөнэ муостатын тутар былаһааккаҕа өрүс флотун муус туруон иннинээҕи үлэтэ түмүктэннэ. Ааспыт сезон устата 20-чэ…