Норуот сомоҕолоһуутун күнүгэр Дьокуускай «Знание.Первые» сырдатар марафоҥҥа кыттыа диэн СӨ Баһылыгын уонна Бырабыыталыстыбатын пресс-сулууспата иһитиннэрэр.
Өрөспүүбүлүкэ ыччатын иннигэр былаас бэрэстэбиитэллэрэ, биллэр спортсменнар, байыаннай дьайыы кыттыылаахтара, артыыстар уонна урбаанньыттар кыттыахтара.
Быйыл «Билии» Арассыыйатааҕы уопсастыба аан бастаан «Знание.Первые» сырдатар марафон дойду бары федеральнай уокуруктарыгар, ол иһигэр Уһук Илиҥҥэ ыытыллар. Араас көлүөнэни, идэлээх дьону түмүү – марафон биир сүрүн соруга.
«Арассыыйа Бэрэсидьиэнэ Владимир Владимирович Путин XXI үйэҕэ Уһук Илин уокурук сайдыытын национальнай кэскилинэн биллэрбитэ. Бүгүҥҥү туругунан Уһук Илин экэнэмиичэскэй көрдөрүүтэ дойду орто көрдөрүүтүн баһыйар. Саҥа тэрилтэлэр уонна оробуочай миэстэлэр тэриллэллэр. Биһиги сорукпут – Уһук Илин уонна Арассыыйа күүстээх буолалларыгар. Ханнык баҕарар сир-уот сайдыытын хамсатар күүһүнэн киһи буолар. Бу марафон кинилэр иннилэригэр саҥа саҕахтары аһыаҕа уонна үүнүү-сайдыы суолун ыйыаҕа, киэҥи билиигэ-көрүүгэ, айар дьоҕуру сайыннарарга сирдиир, көҕүлүүр», — диэн эттэ РФ Бырабыыталыстыбатын Бэрэссэдээтэлин солбуйааччыта- Бэрэсидьиэн Уһук Илин боломуочуйалаах бэрэстэбиитэлэ Юрий Трутнев.
Марафоҥҥа лиэксийэттэн саҕалаан «хаалтыһа суох көрсүһүүгэ», араас кэпсэтиилэртэн видео-экскурсияҕа тиийэ барыа. Мантан киһи уопутурар, саҥа дьоннуун билсэр уонна сайдарыгар көмөлөһөр. 80-ча киһи: судаарыстыбаннай, уопсастыбаннай диэйэтэллэр, дойду дьоруойдара, бөдөҥ хампаанньалар салайааччылара, урбаанньыттар, култуура үлэһиттэрэ спикер быһыытынан кыттыахтара. Уһук Илин уокурук былаһааккатыгар оҕолору кытары икки төгүллээх олимпийскай чөмпүйүөн, Арассыыйа слаломҥа чөмпүйүөнэ Вик Уайлд, ону тэҥэ эрэгийиэн бастыҥ дьоно, байыаннай дьайыы кыттыылаахтара, спортсменнар, наука уонна култуура диэйэтэллэрэ көрсүөхтэрэ.
ХИФУ аспирана Анастасия Максимова Сочига марафоҥҥа кыттар. «Мин эйгэм мэдиссиинэни кытары сибээстээх, ол иһин мин Михаил Мурашко лиэксийэтин интэриэһиргээн сырыттым уонна аныгы мэдиссиинэ туһунан саҥаны биллим», — диэтэ Анастасия Максимова.
Эспиэрдэр кэпсээннэрин Знание.ТВ, «Билии» уопсастыба саайтыгар, ВКонтакте көрдөрүөхтэрэ. СМИ үлэһиттэрэ уонна кыттааччылар алтынньы 30 күнүгэр диэри бу сыылканан киирэн регистрацияланыаххытын сөп.
Саха сиригэр Службапоконтракту14.рф саҥа саайт нөҥүө хантараагынан байыаннай сулууспаҕа барааччылар сайаапка хаалларыахтарын сөп. Российскай Федерация Сэбилэниилээх…
Синоптиктар иһитиннэрэллэринэн, бүгүн, алтынньы 28 күнүгэр, өрөспүүбүлүкэ үксүгэр кыралаан, оттон хоту улуустарга сорох сирдэринэн хаар…
Өрөспүүбүлүкэ нэһилиэнньэлээх пууннара массыына кыһыҥҥы суола аһыллыар диэри ирдэнэр кээмэйдээх оттук-энэргэтиическэй саппааһынан олоччу хааччылыннылар. Бу…
«Күн бүгүн эрэгийиэн иһинээҕи көтүүлэри үбүлээһин өрөспүүбүлүкэ бүддьүөтүн суотугар эрэ ыытыллар. Бу сыалга 250 мөлүйүөн…
Арассыыйаҕа массыына атыылаһарга чэпчэтиилээх кирэдьииттээһин хас даҕаны судаарыстыбаннай бырагыраама үлэлиир. Ону туһанан саҥа массыынаны атыылаһыахха…
Бу күннэргэ Горнай улууһун Бэрдьигэстээх сэлиэнньэтин ыччаттара нэһилиэк сэбиэтэ тэриллибит күнүн бэлиэтээтилэр. Бу туһунан Бэрдьигэстээх…