Хаартысканы Марта Николаева тиксэрдэ
Бүгүн миэхэ олус туһалаах уонна кэрэ күн буолан ааста. Дьиҥэ бүгүн Москваҕа көтүөхтээҕим табыллыбата. Ол да буоллар бүгүн саха киэн туттар дьонун көрсөн дьоллоннум.
Бастакыта сарсыарда Бырабыыталыстыба иккис нүөмэрдээх дьиэтигэр бара сылдьан, СӨ култууратын үтүөлээх үлэһитин, биллэр музыкальнай кириитиги, араадьыйа суруналыыһын, Уһук Илиҥҥэ музыкальнай педагогтарга саамай бастыҥ учууталынан ааттаммыт Владимир Индигирскэйи көрүстүм. Мин кинини кэрэни, үтүөнү музыкальнай искусствоҕа мэлдьи суруйарын иһин Дьол диэн ааттыыбын. Дьолу саҕар Индигирскэй үтүөнү сахта диэн олус үөрдүм.
Иккис үөрүүм. Ойуунускай аатынан литературнай түмэлгэ уопсастыбанньык, урбаанньыт Масаха Мэхээс кинигэтин сүрэхтэниитигэр сырыттым. Кэрэхсэбиллээх чахчылар диэн кинигэтигэр саха 16 саарын дьоннорун туһунан олус тэттиктик, өйдөнүмтүөтүк суруйбут. Кинигэни ааҕыахпыт да иннинэ, кини социальнай ситимнэринэн Манньыаттаах уола, Баай Барааскап, Чаҕылхай Максим о.д.а. тустарынан олус умсугутуулаахтык кэпсиирин көрөн, билигин саха тыллаах барыта Масаха Мэхээһи бары билэбит, кини ыллыктаах этиититтэн бары үөрэбит, киэн туттабыт. Мин бүгүҥҥү көрсүһүүгэ кинигэни ырыппакка эрэ, тугу бэлиэтии көрөн сөхпүппүн эрэ суруйуом. Көрсүһүүгэ ыы быччары элбэх киһи, бүтүөр диэри бары олордулар. Уолбут ийэтэ астаабыт минньигэс алаадьытынан,.кус миининэн, быырпаҕынан күндүлээтэ. Атыыга аҕыйах кинигэ кэлбитигэр тииһэн ыллым уонна бары уочараттаан Масахаттан автограф ыллыбыт. Түмүгэр, Өрөгөй гиимнин ыллаата. Мин бэйэм санаабар, Масаха Мэхээскэ дьулуурдааҕын, тыа сирин сайыннарыыга айымньылаах хорсун санаатын, толкуйдатар этиилэрин иһин Өрөгөй диэн ааттаатым.
Мин суруналыыс доҕорбун Индигирскэйи Дьол диэн ааты киниэхэ иҥэрбиппинэн киэн туттабын. Онон, Махтал саха саргылаах икки эр бэрдин бүгүн көрсүбүппүттэн.
Марта Николаева
Өрөспүүбүлүкэ нэһилиэнньэлээх пууннара массыына кыһыҥҥы суола аһыллыар диэри ирдэнэр кээмэйдээх оттук-энэргэтиическэй саппааһынан олоччу хааччылыннылар. Бу…
«Күн бүгүн эрэгийиэн иһинээҕи көтүүлэри үбүлээһин өрөспүүбүлүкэ бүддьүөтүн суотугар эрэ ыытыллар. Бу сыалга 250 мөлүйүөн…
Арассыыйаҕа массыына атыылаһарга чэпчэтиилээх кирэдьииттээһин хас даҕаны судаарыстыбаннай бырагыраама үлэлиир. Ону туһанан саҥа массыынаны атыылаһыахха…
Бу күннэргэ Горнай улууһун Бэрдьигэстээх сэлиэнньэтин ыччаттара нэһилиэк сэбиэтэ тэриллибит күнүн бэлиэтээтилэр. Бу туһунан Бэрдьигэстээх…
Сэтинньи 4-6 күннэригэр Дьокуускайга Сомоҕолоһуу күнүгэр аналлаах норуот уус-уран оҥоһуктарыгар босхо маастар-кылаастары ыытыахтара. Тэрээһини «Мин…
Өлүөнэ муостатын тутар былаһааккаҕа өрүс флотун муус туруон иннинээҕи үлэтэ түмүктэннэ. Ааспыт сезон устата 20-чэ…