https://ru.freepik.com/
Доруобуйа харыстабылын министиэристибэтэ арыгыны уонна да атын психоактивнай эттиктэри иһэн өйдөрө-санаалара буккуллубут ыарыһахтары эмтиир саҥа быраабылалары оҥордо.
Бирикээс барыла нуормалыыр быраап аахталарын порталыгар таҕыста. «Парламентская газета» суруйарынан, докумуон бигэргэннэҕинэ, балыыһаҕа эмтэнии өссө кэлим буолуоҕа уонна эмтэнэр болдьоҕо сэттэттэн аҕыс хонукка диэри уһууругар тиийиэҕэ.
Бирикээс барыла психоактивнай эттиктэри иһииттэн сылтаан өйдөрө-санаалара буккуллубут улахан дьоҥҥо тустаах көмөнү оҥоруу саҥардыллыбыт бэрээдэгин олохтуур. Докумуон, Арассыыйа психиатрдарын уопсастыбатын 2024 сыллаахха саҥардыллыбыт уонна Билим-практика сэбиэтинэн бигэргэтиллибит сүбэлэригэр олоҕуран, диагностика уонна эмтээһин ньымаларын испииһэгин кэҥэтэр.
Бырайыакка олоҕурдахха, эмтээһиҥҥэ невролог, терапевт уонна кардиолог быраастар ордук элбэхтик кыттыһар буолуохтара.
Диагностика өссө дириҥиэҕэ — КТ, хаан анал анаалыһа эбиллиэҕэ. Көҥүллэнэр эмтэр испииһэктэрэ эмиэ уларыйар: онно сүрэх эмтэрэ, тымыр битэмииннэрэ уонна психика буккуллуутун тохтотор сириэстибэлэр киирдилэр. Маны таһынан, саҥа ирдэбилин наркотиктан тутулуктаах ыарыһахтар эмтэниилэригэр эмиэ туһаныллыаҕа.
«Арыгыттан делирий (норуокка «белая горячка») бэлиэлэрэ билиннэхтэринэ, ыарыһаҕы тута балыыһаҕа киллэриэххэ наада. Эмтээһин сүрүн соруга — сүһүрүүнү уонна уйгуурдууну суох оҥоруу. Дьиэҕэ эмтэнэр кытаанахтык бобуллар», — диэн психолог Анна Фролова сүбэлээтэ.
Өрөспүүбүлүкэ нэһилиэнньэлээх пууннара массыына кыһыҥҥы суола аһыллыар диэри ирдэнэр кээмэйдээх оттук-энэргэтиическэй саппааһынан олоччу хааччылыннылар. Бу…
«Күн бүгүн эрэгийиэн иһинээҕи көтүүлэри үбүлээһин өрөспүүбүлүкэ бүддьүөтүн суотугар эрэ ыытыллар. Бу сыалга 250 мөлүйүөн…
Арассыыйаҕа массыына атыылаһарга чэпчэтиилээх кирэдьииттээһин хас даҕаны судаарыстыбаннай бырагыраама үлэлиир. Ону туһанан саҥа массыынаны атыылаһыахха…
Бу күннэргэ Горнай улууһун Бэрдьигэстээх сэлиэнньэтин ыччаттара нэһилиэк сэбиэтэ тэриллибит күнүн бэлиэтээтилэр. Бу туһунан Бэрдьигэстээх…
Сэтинньи 4-6 күннэригэр Дьокуускайга Сомоҕолоһуу күнүгэр аналлаах норуот уус-уран оҥоһуктарыгар босхо маастар-кылаастары ыытыахтара. Тэрээһини «Мин…
Өлүөнэ муостатын тутар былаһааккаҕа өрүс флотун муус туруон иннинээҕи үлэтэ түмүктэннэ. Ааспыт сезон устата 20-чэ…