М.Решетникова
Соторутааҕыта Доруобуйаларыгар хааччахтаах оҕолору реабилитациялыыр кииҥҥэ СӨ Бырабыыталыстыбатын бэрэссэдээтэлин солбуйааччы Георгий Степанов тус көҕүлээһининэн, кыттыытынан СӨ үлэҕэ социальнай сайдыыга миниистирэ Елена Волкова, доруобуйа харыстабылын, үөрэҕирии уонна наука министиэристибэлэрин, биэдэмистибэлэр, Дьокуускай куорат дьаһалтатын эппиэттээх үлэһиттэрэ кыттыылаах улахан тэрээһин буолан ааста.
Кэлбит ыалдьыттар бу Кииҥҥэ анал байыаннай дьайыы кыттыылаахтарын кэргэттэрэ, оҕолоро хайдах доруобуйаларын чөлүгэр түһэрэ сылдьалларын көрдүлэр. Ол курдук, оҕолор “Смарт-эйгэ”, Монтессори кэбиниэтигэр, бассейнҥа ЛФК дьарыктарын, “Төрөппүт эйгэтэ” диэн анал хоско ийэлэргэ аналлаах психологическай тренини көрдүлэр.
Ол кэннэ ыалдьыттар анал байыаннай эпэрээссийэ кыттыылаахтарын кэргэттэрин кытта сирэй көрсөн тус кыһалҕаларын иһиттилэр уонна тута хас да ыйытыыга хоруй биэрдилэр.
Бу Киин дириэктэрин эбээһинэһин толорооччу Анна Пудова чөлүгэр түһэрии боппуруостарыгар туох-ханнык ыарахаттар баалларын этэн туран, чопчу этиилэри киллэрдэ. Рихард Зорге уулуссатыгар баар СВО кыттыылаахтарын уонна инбэлииттэри реабилитациялыыр киин дириэктэрэ Асида Алексеева эмиэ баар кыһалҕаларын эттэ.
Көрсүһүү түмүгэр Георгий Степанов бу этиилэри биэдэмэстибэлэр икки ардыларыгар ымпыкчаан-чымпыктаан көрүөхпүт диэтэ.
Мария Решетникова
Хаартыскалар: Л.Ноговицына, М.Решетникова
Өрөспүүбүлүкэ нэһилиэнньэлээх пууннара массыына кыһыҥҥы суола аһыллыар диэри ирдэнэр кээмэйдээх оттук-энэргэтиическэй саппааһынан олоччу хааччылыннылар. Бу…
«Күн бүгүн эрэгийиэн иһинээҕи көтүүлэри үбүлээһин өрөспүүбүлүкэ бүддьүөтүн суотугар эрэ ыытыллар. Бу сыалга 250 мөлүйүөн…
Арассыыйаҕа массыына атыылаһарга чэпчэтиилээх кирэдьииттээһин хас даҕаны судаарыстыбаннай бырагыраама үлэлиир. Ону туһанан саҥа массыынаны атыылаһыахха…
Бу күннэргэ Горнай улууһун Бэрдьигэстээх сэлиэнньэтин ыччаттара нэһилиэк сэбиэтэ тэриллибит күнүн бэлиэтээтилэр. Бу туһунан Бэрдьигэстээх…
Сэтинньи 4-6 күннэригэр Дьокуускайга Сомоҕолоһуу күнүгэр аналлаах норуот уус-уран оҥоһуктарыгар босхо маастар-кылаастары ыытыахтара. Тэрээһини «Мин…
Өлүөнэ муостатын тутар былаһааккаҕа өрүс флотун муус туруон иннинээҕи үлэтэ түмүктэннэ. Ааспыт сезон устата 20-чэ…