Хаартыска: Успуорт министиэристибэтэ
Бүгүн Дьокуускай куоракка өрөспүүбүлүкэтээҕи медиа-кииҥҥэ «Дыгын оонньууларын» кыттааччыларыгар официальнай сэрэбиэй ыытылынна. Маны таһынан, эдэрдэргэ «Бэргэн оонньууларын» кыттыылаахтарын нүөмэрдэрэ билиннэ.
Быйыл бастыыр иһин өрөспүүбүлүкэ 16 күүстээх спортсменнара илин-кэлин түсүһүөхтэрэ. Ол иһигэр Борис Сдвижков (Амма), Николай Матаннанов (Таатта), Яков Дмитриев (Кэбээйи), Артём Дьяконов (Кэбээйи), Тимофей Большаков (Сунтаар), Алексей Созонов (Орто Халыма), Алексей Соколов (Сунтаар), Ариан Мярин (Томпо), Владимир Шологонов (Үөһээ Бүлүү), Юрий Копырин (Чурапчы), Руслан Слепцов (Мэҥэ Хаҥалас), Павел Друзьянов (Чурапчы), Илья Карамзин (Уус Алдан), Александр Пшенников (Өлүөхүмэ), Айсен Семёнов (Өлөөн), Иван Степанов (Хатас сэл.).
ЯСИА суруйарынан, кыттааччылар алта көрүҥҥэ сэрэбиэйи тартылар. Күрэхтэһиилэргэ интэриэһинэй киирсиилэр күүтүллэллэр. Ол курдук, мас тардыһыытыгар бастакы эргииргэ былырыыҥҥы чөмпүйүөн Борис Сдвижков уонна Николай Матаннанов киирсиэхтэрэ. Матаннанов номнуо онус төгүлүн оонньууларга кыттар.
Национальнай многоборье федерациятын бэрэсидьиэнэ, турнир генеральнай спонсора Алексей Пинигин чөмпүйүөн уһуйааччытыгар анал бириис туруорулларын туһунан брифинг кэмигэр иһитиннэрдэ. Ол курдук «Дыгын оонньууларын» кыайыылааҕын тириэньэрэ Benelli мааркалаах саанан наҕараадаланыаҕа.
Турнир сүрүн судьуйата Иван Горохов 2026 сыллааҕы «Дыгын оонньууларын» регламеныгар киирбит сүрүн уларыйыылары иһитиннэрдэ. Быйыл тэрийээччилэр күрэхтэһии былаһааккатыгар бэрээдэги уонна спортивнай этиканы тутуһууну күүһүрдүбүттэр. Бу туһунан СӨ Успуорт министиэристибэтин пресс-сулууспата иһитиннэрдэ.
Быйылгы «Дыгын оонньууларын» чөмпүйүөнэ үс мөлүйүөн солкуобайынан уонна кыбартыыранан наҕараадаланыаҕа.
Өрөспүүбүлүкэ нэһилиэнньэлээх пууннара массыына кыһыҥҥы суола аһыллыар диэри ирдэнэр кээмэйдээх оттук-энэргэтиическэй саппааһынан олоччу хааччылыннылар. Бу…
«Күн бүгүн эрэгийиэн иһинээҕи көтүүлэри үбүлээһин өрөспүүбүлүкэ бүддьүөтүн суотугар эрэ ыытыллар. Бу сыалга 250 мөлүйүөн…
Арассыыйаҕа массыына атыылаһарга чэпчэтиилээх кирэдьииттээһин хас даҕаны судаарыстыбаннай бырагыраама үлэлиир. Ону туһанан саҥа массыынаны атыылаһыахха…
Бу күннэргэ Горнай улууһун Бэрдьигэстээх сэлиэнньэтин ыччаттара нэһилиэк сэбиэтэ тэриллибит күнүн бэлиэтээтилэр. Бу туһунан Бэрдьигэстээх…
Сэтинньи 4-6 күннэригэр Дьокуускайга Сомоҕолоһуу күнүгэр аналлаах норуот уус-уран оҥоһуктарыгар босхо маастар-кылаастары ыытыахтара. Тэрээһини «Мин…
Өлүөнэ муостатын тутар былаһааккаҕа өрүс флотун муус туруон иннинээҕи үлэтэ түмүктэннэ. Ааспыт сезон устата 20-чэ…